మార్గదర్శి విద్యానికేతన్‌లో ఘనంగా గ్రాడ్యుయేషన్ డే వేడుకలు

కోనరావుపేట,(విజయక్రాంతి): మార్గదర్శి విద్యానికేతన్ పాఠశాలలో విద్యార్థుల విద్యా ప్రగతి, ప్రతిభ మరియు భవిష్యత్ లక్ష్యాలను గౌరవిస్తూ గ్రాడ్యుయేషన్ డే వేడుకలు శనివారం అత్యంత వైభవంగా నిర్వహించారు. పాఠశాల ప్రాంగణంలో జరిగిన ఈ కార్యక్రమం ఆనందోత్సాహాలతో నిండిపోయింది. ఈ సందర్భంగా విద్యార్థులకు సర్టిఫికెట్లు, అవార్డులు ప్రదానం చేసి వారి కృషి, సాధనలను ఘనంగా గుర్తించారు. విద్యార్థుల ముఖాల్లో ఆనందం, గర్వం స్పష్టంగా కనిపించింది.

ఈ కార్యక్రమానికి పాఠశాల కరెస్పాండెంట్ మండల చిరంజీవి, ప్రిన్సిపాల్ సునీత, ఉపాధ్యాయులు, తల్లిదండ్రులు మరియు విద్యార్థులు హాజరై వేడుకను విజయవంతం చేశారు.ఈ సందర్భంగా నిర్వహించిన ప్రేరణాత్మక ప్రసంగాలు విద్యార్థుల్లో ఉత్సాహాన్ని నింపగా, వారి ప్రతిభను ప్రతిబింబించే సాంస్కృతిక కార్యక్రమాలు ప్రేక్షకులను ఆకట్టుకున్నాయి.ఈ గ్రాడ్యుయేషన్ డే విద్యార్థుల జీవితంలో ఒక మధురమైన మైలురాయిగా నిలిచింది.