బస్సు-లారీ ఢీ: నలుగురు మృతి, 20 మందికి గాయాలు

రూర్కెలా: ఒడిశాలోని సుందర్‌గఢ్ జిల్లాలో జాతీయ రహదారి 143పై ఒక బస్సు, ట్రక్కును ఎదురుగా ఢీకొన్న ఘటనలో కనీసం నలుగురు మృతి చెందగా, 20 మందికి పైగా గాయపడ్డారని పోలీసులు బుధవారం తెలిపారు. రూర్కెలా నుండి జాజ్‌పూర్ జిల్లాలోని మంగళ్‌పూర్‌కు బస్సు ప్రయాణిస్తున్న సమయంలో, మంగళవారం రాత్రి చండిపోష్ పోలీస్ స్టేషన్ పరిధిలో ఈ ప్రమాదం చోటుచేసుకుంది.

మృతుల్లో బస్సు, ట్రక్కు డ్రైవర్లు ఇద్దరూ ఉన్నారని పోలీసులు తెలిపారు. ఇద్దరు వ్యక్తులు ఘటనా స్థలంలోనే మరణించగా, మరో ఇద్దరు ఆసుపత్రిలో చికిత్స పొందుతూ మృతి చెందారు. బస్సులోని ఒక భాగాన్ని కోసి, కొందరు ప్రయాణికులను రక్షించినట్లు ఒక పోలీసు అధికారి తెలిపారు. ఈ ఘటనపై కేసు నమోదు చేసుకున్న పోలీసులు మృతదేహాలను స్వాధీనం చేసుకుని పోస్టుమార్టం నిమిత్తం మార్చురీకి తరలించారు.