ఎన్నికలను పారదర్శకంగా నిర్వహించండి

నిర్మల్,(విజయక్రాంతి): మున్సిపల్ ఎన్నికలను పారదర్శకంగా నిర్వహించాలని రాష్ట్ర ఎన్నికల కమిషనర్ కమోదిని జిల్లా అధికారులను ఆదేశించారు. సోమవారం హైదరాబాద్ నుంచి వీడియో కాన్ఫరెన్స్ నిర్వహించారు. ఈ వీడియో కాన్ఫరెన్స్‌లో మున్సిపల్ ఎన్నికలను ప్రశాంతంగా, స్వేచ్ఛాయుతంగా, నిష్పక్షపాతంగా నిర్వహించేందుకు తీసుకోవాల్సిన భద్రతా చర్యలు, పోలింగ్ రోజు చేపట్టాల్సిన ఏర్పాట్లు, ఎన్నికల నియమావళి అమలు, శాంతి భద్రతల పరిరక్షణపై రాష్ట్ర ఎన్నికల కమిషనర్ అధికారులకు పలు సూచనలు, మార్గదర్శకాలు జారీ చేశారు.

ఎన్నికల పోలింగ్ మొదలుకొని కౌంటింగ్ వరకు పోలీసు శాఖ తరపున పూర్తి ఏర్పాట్లు, చేశామన్నారు. పోలీసు బందోబస్తు,పోలింగ్ కేంద్రాల వద్ద భద్రత తదితర అంశాలపై జిల్లా ఎస్పీ డా.జి జానకి షర్మిల ఐపీఎస్, రాష్ట్ర ఎన్నికల కమిషనర్‌ రాణి కుముదినికి కూలంకుషంగా వివరించారు. మున్సిపల్ ఎన్నికలు ఎలాంటి అవాంఛనీయ ఘటనలు జరగకుండా, ప్రజలు స్వేచ్ఛగా తమ ఓటు హక్కును వినియోగించుకునేలా అన్ని చర్యలు తీసుకుంటున్నట్లు జిల్లా ఎస్పీ డా. జి జానకి షర్మిల ఐపీఎస్ తెలిపారు.