అక్రమ నిర్మాణాల కూల్చివేత

హైదరాబాద్: గాజులరామారంలోని(Gajularamaram) ప్రభుత్వ భూముల్లో అక్రమ నిర్మాణాలను రెవెన్యూ అధికారులు సోమవారం కూల్చివేస్తున్నారు. డీఐఎల్ సంస్థకు కేటాయించిన భూమిలో నిర్మించినట్లుగా చెబుతున్న అనధికార నిర్మాణాలను అధికారులు నేల మట్టం చేశారు. సర్వే నంబర్ 49లో ఆక్రమణలను గుర్తించిన తర్వాత కూల్చివేతలు ప్రారంభించినట్లు అధికారులు తెలిపారు. ఈ ప్రక్రియలో పారిశ్రామిక షెడ్లు, వాణిజ్య సముదాయాలను కూల్చివేయగా, నివాస గృహాలను మాత్రం అలాగే వదిలివేశారు. ఆక్రమణదారులుగా భావిస్తున్న కొందరు అధికారులు కూల్చివేతను చేపట్టకుండా అడ్డుకోవడానికి ప్రయత్నించడంతో, అక్కడ ఉద్రిక్త పరిస్థితులు నెలకొన్నాయి. ఆపరేషన్ కొనసాగుతున్నంత సేపు శాంతిభద్రతలను కాపాడేందుకు రెవెన్యూ, పోలీసు సిబ్బంది ఘటనా స్థలంలోనే మోహరించి ఉన్నారు.