డీలిమిటేషన్ మరో పెద్ద నోట్ల రద్దు

ఎంపీ శశిథరూర్ 

న్యూఢిల్లీ, ఏప్రిల్ 17: డీలిమిటేషన్ మరో పెద్ద నోట్ల రద్దు అంశంలా మారబోతుందని కాంగ్రెస్ ఎంపీ శశిథరూర్ అన్నారు. నియోజకవర్గాల పునర్విభజన అంటే ఒకరకంగా రాజకీయ విలువను తగ్గించడమేనని, మహిళా రిజర్వేషన్లను పునర్విభజనతో ముడిపెట్టొద్దని, నారీశక్తి కానుకకు ప్రధాని ముళ్ల కంచె వేశారని, డీలిమిటేషన్ మరో పొలిటికల్ డిమానిటైజేషన్ అని విమర్శించారు.

మహిళా రిజర్వేషన్లను పార్లమెంట్ స్థానాల విస్తరణతో ముడిపెట్టడం భావ్యం కాదన్నారు. చట్టసభల్లో మహిళా రిజర్వేషన్ల అనుబంధ సవరణలు, డీలిమిటేషన్ బిల్లులపై చర్చ సందర్భంగా థరూర్ శుక్రవారం లోక్‌సభలో మాట్లాడారు. బిల్లులతో నారీ శక్తికి న్యాయాన్ని కానుకగా ఇస్తున్నామని ప్రధాని పేర్కొన్నారనా, కానీ దాన్ని డీలిమిటేషన్‌తో ముడిపెట్టి ఆ కానుకకు ప్రధాని ముళ్ల కంచె వేశారని చెప్పారు. ఇది మహిళలను బందీ చేయడమేనని పేర్కొన్నారు.