వి-గార్డ్ నుండి 'అరిజో సిరీస్' విడుదల

న్యూఢిల్లీ, 03 జూలై 2026: 

భారతదేశంలో కన్స్యూమర్ ఎలక్ట్రికల్, ఎలక్ట్రానిక్స్ రంగంలో అత్యంత నమ్మకమైన బ్రాండ్‌లలో ఒకటైన 'వి-గార్డ్', భారతదేశపు మొట్టమొదటి గ్లాస్-ఫినిష్ వాటర్ హీటర్ అయిన 'అరిజో సిరీస్'ను విడుదల చేస్తున్నట్లు ప్రకటించింది. అందంతో పాటు అత్యుత్తమ పనితీరును కోరుకునే గృహ యజమానుల కోసం డిజైన్ చేయబడిన ఈ ప్రీమియం స్టోరేజ్ వాటర్ హీటర్.. అద్భుతమైన గ్లాస్-ఫినిష్ ముఖభాగం, ఇంటెలిజెంట్ టెంపరేచర్ ఇండికేషన్, అత్యాధునిక హీటింగ్ టెక్నాలజీల కలయికతో వస్తుంది.

కేవలం నీటిని వేడి చేసే ఒక సాధారణ పరికరంగా కాకుండా, ఆధునిక బాత్రూమ్‌లకు సరికొత్త అందాన్నిచ్చే వస్తువుగా ఇది రూపాంతరం చెందింది. భారతదేశపు మొట్టమొదటి గ్లాస్-ఫినిష్ వాటర్ హీటర్ అయిన 'అరిజో సిరీస్'.. ప్రీమియం అందానికి, నమ్మకమైన పనితీరును జోడించి వస్తోంది. ఒక సాధారణ పరికరాన్ని ఒక ఫ్రేమ్ కట్టి గోడకు తగిలించేంతటి అందమైన వస్తువుగా ఇది మార్చేసింది.

అరిజో సిరీస్‌లో ప్రధాన ఆకర్షణ దీని 'ప్రీమియం మిడ్‌నైట్ గ్లాస్ ఫేసియా'. గీతలు పడని ఈ టఫ్న్డ్ బ్లాక్ గ్లాస్ ప్యానెల్.. బాత్రూమ్‌లో ఉండే తేమ పరిస్థితులను తట్టుకుంటూనే అత్యంత ఆకర్షణీయమైన, సమకాలీన రూపాన్ని అందిస్తుంది. దీనికి అదనంగా అందించిన 'స్మార్ట్ లైట్ ఇండికేటర్', రంగులు మారే లైట్ బార్ ద్వారా నీటి ఉష్ణోగ్రతను తెలియజేస్తుంది.  ఇది సమర్థవంతంగా వేడిని బదిలీ చేయడానికి, దీర్ఘకాల మన్నిక కోసం దృఢమైన 'ఇంకోలాయ్ 800' హీటింగ్ ఎలిమెంట్‌ను కలిగి ఉంది. నీటిని వేగంగా వేడి చేయడానికి 2 kW సామర్థ్యంతో వచ్చే ఈ సరికొత్త వాటర్ హీటర్.. విద్యుత్ ఆదా కోసం '5-స్టార్ బీఈఈ' రేటింగ్‌ను కలిగి ఉంది.

ఈ లాంచ్ సందర్భంగా వి-గార్డ్ ఇండస్ట్రీస్ లిమిటెడ్ మేనేజింగ్ డైరెక్టర్ మిథున్ కె. చిట్టిలప్పిల్లి మాట్లాడుతూ.. "కేవలం ఫీచర్లను జోడించడం మాత్రమే సరైన ఆవిష్కరణ అని వి-గార్డ్ విశ్వసించదు - మారుతున్న వినియోగదారుల జీవనశైలిని అర్థం చేసుకోవడంతో అది ప్రారంభమవుతుంది. గృహ యజమానులు బాత్రూమ్‌లతో సహా తమ ఇళ్లలోని ప్రతి అంశంపై ఎక్కువ దృష్టి పెడుతున్నందున, సమకాలీన అందానికి తగినట్లుగా, నమ్మకమైన పనితీరును అందించాలనే ఆలోచనతో అరిజో సిరీస్ రూపుదిద్దుకుంది. దీని లాంచ్‌తో, భారతదేశపు మొట్టమొదటి గ్లాస్ ఫినిష్ వాటర్ హీటర్‌ను పరిచయం చేస్తున్నందుకు మేము గర్విస్తున్నామన్నారు.

అరిజో సిరీస్ అనలాగ్ మరియు డిజిటల్ (డిజి) వేరియంట్లలో, 10 లీటర్లు, 15 లీటర్లు మరియు 25 లీటర్ల సామర్థ్యాల్లో లభిస్తుంది. నలుపు మరియు తెలుపు అనే రెండు రంగుల్లో లభించే ఈ సరికొత్త సిరీస్ ప్రారంభ ధర రూ. 15,660 గా ఉంది. వినియోగదారులకు అవాంతరాలు లేని సేవలను అందించేందుకు ఇన్‌స్టాలేషన్ సపోర్ట్‌తో పాటు.. ఎంఎఫ్వి, ఎం8 ఫాస్టెనర్ సెట్, వాల్-మౌంటింగ్ బ్రాకెట్లు మరియు ఫ్లెక్సీ కనెక్షన్ పైపుల వంటి అవసరమైన ఉపకరణాలతో ఈ ప్యాకేజీ వస్తుంది.