అక్రమాస్తుల కేసు.. అడిషనల్ కలెక్టర్ ఇంట్లో సోదాలు

హైదరాబాద్: హనుమకొండ డిప్యూటీ కలెక్టర్ వెంకట్ రెడ్డి నివాసాల్లో అవినీతి నిరోధక శాఖ (ACB) అధికారులు బుధవారం సోదాలు నిర్వహించారు. ఆదాయానికి మించిన ఆస్తుల కేసు సంబంధించి హైదరాబాద్ లోని బోడుప్పల్ లో సోదాలు నిర్వహించారు. ఈ దాడుల సమయంలో అధికారులు ఆ అధికారికి చెందినవని ఆరోపించబడుతున్న నగదు, బంగారం, ఆస్తులకు సంబంధించిన పత్రాలను స్వాధీనం చేసుకున్నట్లు సమాచారం.

గత ఏడాది డిసెంబర్‌లో రూ.60,000 లంచం తీసుకుంటూ వెంకట్ రెడ్డి ఏసీబీకి పట్టుబడ్డారు. ఈ ఘటన తర్వాత అతడిని సస్పెండ్ చేశారు. అధికారుల సమాచారం ప్రకారం... ఒక పాఠశాలకు అనుమతి ఇవ్వడం కోసం  లంచం తీసుకున్నారు. ఆదాయానికి మించిన ఆస్తుల కేసులో తదుపరి దర్యాప్తు కొనసాగుతోంది.