క్వారీలో బండరాయి కూలి ఏడుగురు కార్మికులు మృతి

బెంగళూరు: కర్ణాటక రాష్ట్రం బెంగళూరు అర్బన్ జిల్లాలోని ఒక క్వారీలో గురువారం భారీ గ్రానైట్ బండరాయి(Rock Collapses) పైనుంచి జారి తమపై పడటంతో మధ్యప్రదేశ్‌కు చెందిన ఐదుగురు సహా మొత్తం ఏడుగురు వలస కూలీలు అక్కడికక్కడే మరణించారు. ఈ విషాద ఘటనకు అజాగ్రత్తే కారణమని ఒక సీనియర్ పోలీసు అధికారి పేర్కొన్నారు. ఈ విషాద ఘటన బెంగళూరు దక్షిణ తాలూకాలోని మడపట్టణలో జరిగింది. ప్రారంభంలో బాధితులలో ఎక్కువ మంది బీహార్‌కు చెందినవారని పోలీసు వర్గాలు పేర్కొన్నప్పటికీ, వారు మధ్యప్రదేశ్‌కు చెందినవారని తర్వాత స్పష్టం చేశారు. అంతకుముందు, గాయపడిన వారిలో మరో వ్యక్తి ఆసుపత్రిలో మరణించడంతో మృతుల సంఖ్య ఎనిమిదికి చేరిందని యశ్వంత్‌పూర్ ఎమ్మెల్యే, మాజీ మంత్రి ఎస్.టి. సోమశేఖర్ పేర్కొన్నారు.