టూరిస్ట్ బస్సులో గంజాయి స్మగ్లింగ్

హైదరాబాద్: తెలంగాణ ప్రొహిబిషన్ అండ్ ఎక్సైజ్ శాఖకు చెందిన రాష్ట్ర టాస్క్ ఫోర్స్ (ఎస్‌టీఎఫ్) సిబ్బంది శనివారం ఉదయం జీడిమెట్ల సమీపంలోని సుచిత్ర జంక్షన్ వద్ద కాలేశ్వరి ట్రావెల్స్ బస్సులో అక్రమంగా తరలిస్తున్న రెండు కిలోల గంజాయిని స్వాధీనం చేసుకున్నారు. 

ఒక ప్రైవేట్ టూరిస్ట్ బస్సులో అక్రమంగా తరలిస్తున్నట్లు సమాచారం అందడంతో, ఎస్‌టీఎఫ్ బృందం సుచిత్ర జంక్షన్ వద్ద కాళేశ్వరి ట్రావెల్ బస్సును ఆపి, ప్రయాణికులను తనిఖీ చేయగా, ఒక ప్రయాణీకుడి బ్యాగులో రెండు కిలోలు మాత్రమే కనిపించాయి. ఆ ప్రయాణికుడు మహారాష్ట్ర నుండి హైదరాబాద్‌కు ప్రయాణిస్తున్నట్లు గుర్తించారు. ఎస్టీఎఫ్ బృందం చంద్రాయణగుట్టకు చెందిన మీర్జా ఫయాజ్ అలీ బేగ్ అనే వ్యక్తిని అదుపులోకి తీసుకుంది. ఈ ఘటనపై కేసు నమోదు చేసిన ఎక్సైజ్ శాఖ దర్యాప్తు చేపట్టింది.