హైదరాబాద్: సద్దుల బతుకమ్మ(Saddula Bathukamma greetings) సందర్భంగా ప్రజలకు, ముఖ్యంగా మహిళలకు బీఆర్ఎస్ వర్కింగ్ ప్రెసిడెంట్ కె.టి. రామారావు శుభాకాంక్షలు తెలిపారు. ఇది తెలంగాణ సాంస్కృతిక గుర్తింపును సూచించే పండుగ అని కేటీఆర్ అన్నారు. బతుకమ్మ భక్తి పండుగని,  పువ్వులు, ప్రకృతి గౌరమ్మను పూజిస్తారు. ''రంగురంగుల పువ్వులు... ఆడపడుచుల ఆటపాటలు... ప్రకృతిని ఆరాధించే వేడుకలు! తెలంగాణ సాంసృతిక వారసత్వం, అస్తిత్వ ప్రతీక బతుకమ్మ పండుగ సందర్భంగా... ప్రపంచ వ్యాప్తంగా పండుగ జరుపుకుంటున్న ప్రతీ ఒక్కరికి సద్దుల బతుకమ్మ శుభాకాంక్షలు.'' అంటూ కేటీఆర్ ఎక్స్ లో పేర్కొన్నారు. ఈ పండుగ ప్రతి ఇంటికి శ్రేయస్సును తీసుకురావాలని ఆశిస్తూ, తెలంగాణ ప్రజలందరి జీవితాల్లో ఆనందం, విజయం కోసం కేటీఆర్ ప్రార్థించారు. మాజీ మంత్రి, సీనియర్ ఎమ్మెల్యే టి. హరీష్ రావు కూడా బతుకమ్మను తెలంగాణ ఆత్మ, గర్వంగా అభివర్ణిస్తూ శుభాకాంక్షలు తెలిపారు. పూల పండుగను జీవిత గీతంగా, మహిళల ఆత్మగౌరవ వేడుకగా అభివర్ణిస్తూ, రాష్ట్ర ప్రజలకు హృదయపూర్వక శుభాకాంక్షలు తెలిపారు.