వైభవంగా కట్టమైసమ్మ బోనాల జాతర

మూకారంపుర, జూలై 19 (విజయ క్రాంతి): కట్టరాంపూర్లోని లేక్ పోలీస్ స్టేషన్ సమీపంలో ఎల్ ఎండీ జలవిహార్ స్విమ్మ ర్సు అసోసియేషన్ ఆధ్వర్యంలో కట్టమైసమ్మ బోనాల జాతర ఆదివారం వైభవంగా నిర్వహించారు. ఎల్లమ్మ ఆలయం నుంచి శివసత్తుల పూనకాలతో, డప్పు చప్పుళ్ల నడుమ భ క్తులు భారీ ర్యాలీగా కట్టమైసమ్మ ఆలయానికి చేరుకుని అమ్మ వారికి ప్రత్యేక పూజలు నిర్వహించారు.

ఈ సందర్భంగా కరీంనగర్ మార్కెట్ కమిటీ చైర్మన్ ఆకుల నరసన్న బోనం ఎత్తుకొని జలవిహార్ స్వి మ్మర్ అసోసియేషన్ ప్రతినిధులతో కలిసి అమ్మ వారికి ప్రత్యేక పూజలు నిర్వహించారు. ఈ కార్య క్రమంలో 11వ డివిజన్ కార్పొరేటర్ నర్మదా నర్సన్న తో పాటు జలవిహార్ సిమ్మర్స్ అసోసియేషన్ ప్రెసిడెంట్ పాశం రాజిరెడ్డి, ఉత్సవ కమిటీ అధ్యక్షుడు కలర్ సత్తన్న, వైస్ ప్రెసిడెంట్ లక్ష్మణ్, జనరల్ సెక్రెటరీ గంగ తిరుపతి పటేల్, తదితరులు పాల్గొన్నారు.