వరల్డ్ హెల్త్ డే సందర్భంగా శశ్రుత హాస్పిటల్ లో నిర్వహణ 

సిద్దిపేట రూరల్: వరల్డ్ హెల్త్ డే(World Health Day) సందర్భంగా శశ్రుత హాస్పిటల్‌లో రోగులు, అటెండర్లు, సిబ్బందికి హాస్పిటల్ అసోసియేటెడ్ ఇన్ఫెక్షన్స్ నివారణపై అవగాహన కార్యక్రమం నిర్వహించారు. డా. మురళీకృష్ణ మాట్లాడుతూ, నోసోకోమియల్ ఇన్ఫెక్షన్స్ ప్రధానంగా బ్యాక్టీరియా, వైరస్, ఫంగస్ వల్ల వ్యాపిస్తాయని తెలిపారు. క్రాస్ కంటామినేషన్ ద్వారా ఇన్ఫెక్షన్లు వ్యాప్తి చెందుతాయని, హ్యాండ్ హైజీన్ పాటించడం అత్యంత అవసరమన్నారు. 

చేతులు శుభ్రంగా ఉంచడం, మాస్క్ ధరించడం, రోగులను తాకే ముందు-తర్వాత చేతులు కడుక్కోవడం, స్టెరైల్ డ్రెస్సింగ్ పాటించడం వంటి జాగ్రత్తలు తప్పనిసరిగా తీసుకోవాలని సూచించారు. స్టెరిలైజేషన్, ఆటోక్లేవింగ్ విధానాల ప్రాముఖ్యతను కూడా వివరించారు. ఈ కార్యక్రమంలో డా. శ్రీకాంత్ ఆర్థోపెడిషన్, అరుణ్, మైక్రోబయాలజీ నిపుణులు మదన్ మోహన్ అడ్మినిస్ట్రేటివ్ ఆఫీసర్ శ్యాగ బాబు, స్వామి, అజయ్ సాయి నరేందర్ హాస్పిటల్ సిబ్బంది పాల్గొన్నారు.