రష్యా రాయబారితో రాహుల్.. ఏం చర్చించారు?

న్యూఢిల్లీ: లోక్‌సభలో ప్రతిపక్ష నేత రాహుల్ గాంధీ(Rahul Gandhi), రష్యా రాయబారి డెనిస్ అలిపోవ్‌(Russian Ambassador Denis Alipov)తో శుక్రవారం ఢిల్లో సమావేశమయ్యారు. సమావేశానికి సంబంధించిన ఫొటోలు కూడా సోషల్ మీడియాలో వైరల్ అవుతున్నాయి. రష్యా సమాఖ్య భారతదేశ రాయబారిగా డెనిస్ అలిపోవ్ ప్రస్తుతం బాధ్యతలు నిర్వహిస్తున్నారు. భారత విదేశాంగ మంత్రిత్వ శాఖ ప్రోటోకాల్ విభాగం కూడా ఆయనను రష్యా రాయబారిగా పేర్కొంటోంది.

ఇటీవల భారత్-రష్యా సంబంధాలు, అంతర్జాతీయ పరిణామాలు, రష్యాపై అమెరికా ఆంక్షలు, వాణిజ్యం తదితర అంశాలు అంతర్జాతీయ చర్చల్లో ప్రధానంగా నిలుస్తున్నాయి. సెప్టెంబర్ 24న అలిపోవ్ కూడా భారత్-రష్యా సంబంధాలు, ఆంక్షలు, వాణిజ్య అంశాలపై పలు వ్యాఖ్యలు చేశారు. ఈ నేపథ్యంలో రాహుల్ గాంధీ, రష్యా రాయబారి మధ్య జరిగిన తాజా సమావేశం రాజకీయ, దౌత్య వర్గాల్లో ఆసక్తిని కలిగించింది. అయితే ఈ భేటీలో ఏయే అంశాలపై చర్చ జరిగిందన్న దానిపై ప్రస్తుతం అధికారికంగా పూర్తి వివరాలు వెల్లడికాలేదు.

రష్యా సమాఖ్య భారతదేశ రాయబారి హెచ్.ఈ. డెనిస్ అలిపోవ్‌తో... లోక్‌సభలో ప్రతిపక్ష నేత శ్రీ రాహుల్ గాంధీ భేటీ అయ్యారు.

LoP Shri Rahul Gandhi met with H.E. Denis Alipov, Ambassador of the Russian Federation to India, at 10 Janpath, New Delhi, today pic.twitter.com/PCIvAhTojb

— Congress for Telangana (@Congress4TS) September 25, 2026