Breaking News

వాట్సాప్‌లో ఆ మెసేజ్ వస్తే క్లిక్ చేయొద్దు! • కోహ్లి వరల్డ్ రికార్డు • నా వెనుక ఎవరూ లేరు • కష్టాల్లో టీమిండియా • చైనా స్పైతో ప్రేమాయణం • జగన్ కంచుకోటలో టీడీపీ జెండా! • మైలేజీకి మంగళం.. E20 కాదు.. 420 దందా! • భారత్‌కు బిగ్ షాక్.. డకౌటైన గిల్ • ఇదేం లక్కీ ఛాన్స్! నిద్రపోతే రూ.9.6 లక్షలు • దీపావళికి ముందే ఊపిరాడని పరిస్థితి •

Latest News

నేడు రాష్ట్రంలో తేలికపాటి వర్షాలు

హైదరాబాద్: రాష్ట్రంలోని భద్రాద్రి కొత్తగూడెం, ఖమ్మం, నల్లగొండ, సూర్యాపేట, మహబూబాబాద్, జనగాం, రంగారెడ్డి, యాద్రాద్రి, భువనగిరి, నాగర్ కర్నూల్ జిల్లాల్లో నవంబర్ 7న తేలికపాటి నుంచి మోస్తరు వర్షాలు కురుస్తాయని వాతావరణ శాఖ తెలిపింది. ఉరుములు, మెరుపులతో పాటు గంటకు 30-40 కి.మీ. వేగంతో ఈదురు గాలులు వీచే అవకాశం ఉందని పేర్కొంది.

08-11-2026 | 05:10am

లేడీ డాన్ నీతూబాయి అరెస్ట్!

హైదరాబాద్: తొమ్మిదేళ్లుగా గంజాయి దందా నిర్వహిస్తున్న కలపాటి నీతూ బాయి (51)ని తెలంగాణ ఈగల్ ఫోర్స్ పోలీసులు అరెస్ట్ చేశారు. నానక్‌రాంగూడ కేంద్రంగా 2017 నుంచి కుటుంబ సభ్యుల సహకారంతో ఐటీ ఉద్యోగులు, విద్యార్థులను లక్ష్యంగా చేసుకుని గంజాయి విక్రయిస్తున్నట్లు విచారణలో వెల్లడైంది. ఆమెపై 30కి పైగా డ్రగ్స్, ఎక్సైజ్ కేసులు నమోదయ్యాయి. అక్రమ ఆస్తులపై అధికారులు నిఘా పెట్టారు.

08-11-2026 | 05:20am

ఏడవ వేతన బకాయిలివ్వాలి

హైదరాబాద్: ప్రభుత్వ డిగ్రీ కళాశాలల్లో పనిచేస్తున్న అధ్యాపకులకు ఏడవ వేతన సవరణ బకాయిలను విడుదల చేయాలని తెలంగాణ ప్రభుత్వ డిగ్రీ కళాశాల అధ్యాపకుల సంఘం రాష్ట్ర అధ్యక్షుడు డా.బి.శ్రీనివాసగౌడ్, ప్రధానకార్యదర్శి డా.ఇ.బ్రిజేష్ డిప్యూటీ సీఎం భట్టి విక్రమార్కను కలిసి విజ్ఞప్తి చేశారు. ఏడేళ్లుగా ఎదురుచూస్తున్నామని, నూతన పెన్షన్ పథకానికి చెందిన అధ్యాపకులకు 2016 జనవరి నుంచి 2019 జూన్ కాలానికి సంబంధించిన బకాయిలు కూడా అందలేదని పేర్కొన్నారు. దీనిపై త్వరగా చర్యలు తీసుకుంటామని డిప్యూటీ సీఎం హామీ ఇచ్చినట్లు తెలిసింది.

08-11-2026 | 05:05am

కొడంగల్‌కు ఫుల్.. మునుగోడుకు నిల్!

నల్లగొండ: కొడంగల్ నియోజకవర్గంలో రూ.9 వేల కోట్లతో అభివృద్ధి పనులు జరుగుతుండగా, ప్రపంచంలోనే అత్యధిక ఫ్లోరైడ్ సమస్య ఉన్న మునుగోడు నియోజకవర్గానికి నిధులు ఎందుకు కేటాయించడం లేదని ఎమ్మెల్యే కోమటిరెడ్డి రాజగోపాల్‌రెడ్డి ప్రశ్నించారు. సీఎం, డిప్యూటీ సీఎంను కలిసినా నిధులు రాలేదని ఆయన ఆవేదన వ్యక్తం చేశారు. మునుగోడు పట్టణంలో జరిగిన సుంకరి బిక్షం గౌడ్ ఉద్యోగ విరమణ సన్మాన కార్యక్రమంలో ఆయన ఈ వ్యాఖ్యలు చేశారు.

08-11-2026 | 05:25am

గవర్నర్ కోటాపై చర్చించలేదు

హైదరాబాద్: గవర్నర్ కోటా ఎమ్మెల్సీ అభ్యర్థుల ఎంపికపై ఇంకా చర్చ జరగలేదని టీపీసీసీ అధ్యక్షుడు మహేశ్‌కుమార్ గౌడ్ నవంబర్ 7న తెలిపారు. నాయకత్వం త్వరలోనే నిర్ణయం తీసుకుంటుందని, నామినేటెడ్ పదవులతో పాటు కార్పొరేషన్ చైర్మన్లు, డైరెక్టర్ల నియామకాలు చేపడతామని ఆయన వెల్లడించారు. తెలంగాణలో పార్టీ పరిస్థితిపై అధిష్ఠానానికి నివేదిక సమర్పించినట్లు పేర్కొన్నారు. పట్టభద్రుల ఎమ్మెల్సీ ఎన్నికల్లో కాంగ్రెస్ విజయం సాధిస్తుందని ధీమా వ్యక్తం చేశారు.

08-11-2026 | 05:20am

దీపావళికే 4.5 లక్షల కొత్త పింఛన్లు!

హైదరాబాద్: దీపావళి సందర్భంగా రాష్ట్ర ప్రభుత్వం 4.5 లక్షల మందికి కొత్తగా చేయూత పింఛన్లు అందించనుంది. ముఖ్యమంత్రి రేవంత్ రెడ్డి ఆదివారం తన సొంత నియోజకవర్గమైన కొడంగల్‌లో ఈ కార్యక్రమాన్ని ప్రారంభించనున్నారు. ఈ కార్యక్రమంలో పంచాయతీరాజ్, గ్రామీణాభివృద్ధి, మహిళా శిశు సంక్షేమ శాఖల మంత్రి డా. దనసరి అనసూయ సీతక్క పాల్గొననున్నారు. వితంతువులు, ఒంటరి మహిళలు, దివ్యాంగులు, నేత, గీత కార్మికులతో సహా అర్హులైన వారికి ఈ నెల నుంచే పింఛన్లు అందజేయనున్నట్లు తెలిసింది.

08-11-2026 | 05:15am

హైదరాబాద్‌లో వైభవంగా సదర్ సంబురాలు

హైదరాబాద్: భాగ్యనగరంలో దీపావళి పండుగను పురస్కరించుకుని నారాయణగూడ, చెప్పల్ బజార్‌లో యాదవ సమాజం ఆధ్వర్యంలో శనివారం సదర్ ఉత్సవాలు వైభవంగా జరిగాయి. కేంద్ర బొగ్గు, గనుల శాఖ మంత్రి జి. కిషన్ రెడ్డి ముఖ్య అతిథిగా పాల్గొన్నారు. కేరళ నుంచి తీసుకొచ్చిన ‘బాహుబలి’ దున్నపోతు ప్రత్యేక ఆకర్షణగా నిలిచింది. కిషన్ రెడ్డి స్వయంగా దాని ముకుతాడు పట్టుకుని శోభాయాత్రలో పాల్గొన్నారు. ఈ వేడుకలు నిజాం కాలం నుంచి ఆనవాయితీగా వస్తున్నాయని కిషన్ రెడ్డి పేర్కొన్నారు.

08-11-2026 | 05:15am

ఏడేళ్ల తర్వాత భాగ్యనగరికి మాతా అమృతానందమయి

సికింద్రాబాద్: ఏడేళ్ల తర్వాత మాతా అమృతానందమయి అమ్మవారు నవంబర్ 10, 11 తేదీల్లో హైదరాబాద్‌ను సందర్శించనున్నారు. ఈ సందర్భంగా మాతా అమృతానందమయి మఠం ఆధ్వర్యంలో రెండు రోజుల ఆధ్యాత్మిక వేడుకలు నిర్వహించనున్నారు. 500 మంది నిరుపేద మహిళలకు చీరలు, 25 మందికి వీల్ చైర్లు పంపిణీ చేయనున్నారు. గవర్నర్ ముఖ్య అతిథిగా హాజరుకానున్నారు. ఈ వేడుకలకు 30 నుంచి 50 వేల మంది భక్తులు హాజరయ్యే అవకాశం ఉందని నిర్వాహకులు తెలిపారు.

08-11-2026 | 05:15am

పల్లెల్లోనూ హైస్పీడ్ నెట్!

తెలంగాణలోని 12,769 గ్రామ పంచాయతీలకు హైస్పీడ్ ఇంటర్నెట్ అందించేందుకు కేంద్రం రూ.3,185 కోట్ల సాయం ప్రకటించింది. ఈ ప్రాజెక్టు ద్వారా 2.93 లక్షల గ్రామీణ కుటుంబాలకు బ్రాడ్‌బ్యాండ్ సదుపాయం కల్పించనున్నారు. టీ ఫైబర్ ఆధ్వర్యంలో పదేళ్ల నిర్వహణతో పాటు నెట్‌వర్క్ విస్తరణ చేపట్టనున్నారు. దీనివల్ల విద్య, వైద్యం, వ్యవసాయం, ప్రభుత్వ సేవలు గ్రామీణ ప్రజలకు మరింత చేరువ కానున్నాయి.

07-11-2026 | 10:23pm

12.69 లక్షలు దాటిన పట్టభద్రుల దరఖాస్తులు

తెలంగాణలో పట్టభద్రుల ఎమ్మెల్సీ ఎన్నికల ఓటరు నమోదుకు భారీ స్పందన లభిస్తోంది. రాష్ట్రవ్యాప్తంగా ఇప్పటివరకు 12,69,761 దరఖాస్తులు అందాయి. హైదరాబాద్-రంగారెడ్డి-మహబూబ్‌నగర్ పరిధిలో 5,99,394, వరంగల్-ఖమ్మం-నల్గొండ పరిధిలో 6,70,367 దరఖాస్తులు వచ్చాయి. గత ఎన్నికలతో పోలిస్తే ఈసారి సంఖ్య పెరిగింది. అర్హులైన పట్టభద్రులు ఓటర్ల జాబితాలో తమ పేర్లను పరిశీలించుకోవాలని అధికారులు సూచిస్తున్నారు.

07-11-2026 | 06:09pm

కౌంటింగ్‌లో హైటెన్షన్.. రీకౌంటింగ్‌కు కూటమి పట్టు!

గన్నవరం జెడ్పీటీసీ ఎన్నికల ఫలితంపై కౌంటింగ్ కేంద్రం వద్ద ఉద్రిక్తత నెలకొంది. వైసీపీ అభ్యర్థి విజయం సాధించినట్లు ప్రకటించడంతో కూటమి నేతలు అభ్యంతరం తెలిపారు. ఓట్ల లెక్కింపుపై అనుమానాలు వ్యక్తం చేస్తూ తిరిగి లెక్కించాలని కోరారు. మాజీ ఎమ్మెల్యే వల్లభనేని వంశీ కేంద్రానికి చేరుకుని పరిస్థితులను పరిశీలించారు. తుది ఫలితంపై ఉత్కంఠ కొనసాగుతోంది.

07-11-2026 | 06:02pm

విత్తనాల కోసం రైతుల పడిగాపులు.. రంగంలోకి దిగిన కవిత

పోలేపల్లి రైతు వేదిక వద్ద వేరుశనగ విత్తనాల కోసం ఎదురుచూస్తున్న మహిళా రైతుల సమస్యపై కల్వకుంట్ల కవిత స్పందించారు. నల్గొండ జిల్లా కలెక్టర్‌కు ఫోన్ చేసి పరిస్థితిని వివరించారు. దీంతో అధికారులు వెంటనే విత్తనాల సంచులు పంపిణీ చేశారు. అదనంగా అవసరమైన విత్తనాల వివరాలు సేకరించి ఇండెంట్ పంపించాలని కలెక్టర్ ఆదేశించారు

07-11-2026 | 05:54pm

పాలమూరుకు కేసీఆర్ తీరని అన్యాయం.. రేవంత్ ఫైర్

పాలమూరు ప్రజలకు గత బీఆర్ఎస్ ప్రభుత్వం అన్యాయం చేసిందని సీఎం రేవంత్ రెడ్డి విమర్శించారు. సాగునీటి ప్రాజెక్టులను పూర్తిచేయలేదని ఆరోపించారు. ప్రాణహిత-చేవెళ్ల ప్రాజెక్టు రూపకల్పనను మార్చారని, కాళేశ్వరం నిర్మాణానికి లక్ష కోట్లు ఖర్చు చేసినా ఆశించిన ఫలితాలు రాలేదని అన్నారు. మేడిగడ్డ నష్టంపై బీఆర్ఎస్ నేతలు సమాధానం చెప్పాలని డిమాండ్ చేశారు

07-11-2026 | 05:41pm

తెలంగాణపైనే విమర్శలా?

హైదరాబాద్: కొడంగల్‌ను పారిశ్రామిక కేంద్రంగా అభివృద్ధి చేసి స్థానిక యువతకు ఉద్యోగాలు కల్పించడమే ప్రభుత్వ లక్ష్యమని ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు తెలిపారు. వికారాబాద్ జిల్లా కొడంగల్ నియోజకవర్గంలోని హకీంపేటలో ముఖ్యమంత్రి రేవంత్ రెడ్డి అగ్రి ఎక్స్‌పో, రైతుమేళా, ఇండస్ట్రియల్ ఎక్స్‌పోలను ప్రారంభించిన సందర్భంగా మంత్రి ఈ వ్యాఖ్యలు చేశారు. ఎల్‌నినో ప్రభావంపై బీఆర్ఎస్ దుష్ప్రచారం చేస్తోందని ఆయన విమర్శించారు.

07-11-2026 | 05:20pm