రాయల్ ఎన్ఫీల్డ్ లవర్స్కు గుడ్న్యూస్
రూ.1.20 లక్షలకే రాయల్ ఎన్ఫీల్డ్ 250cc బైక్? 50+ మైలేజ్తో కొత్త ప్లాన్!
రాయల్ ఎన్ఫీల్డ్ అభిమానులకు గుడ్ న్యూస్! ఇప్పటివరకు 350cc, అంతకంటే ఎక్కువ సామర్థ్యం ఉన్న బైక్లతో ప్రత్యేక గుర్తింపు తెచ్చుకున్న ఈ సంస్థ.. ఇప్పుడు తక్కువ ధరలో 250cc మోటార్సైకిల్ను తీసుకొచ్చేందుకు సిద్ధమవుతున్నట్లు తెలుస్తోంది. ముఖ్యంగా యువతను, సాధారణ Commuter Bikes నుంచి ప్రీమియం బైక్లకు Upgrade కావాలనుకునే కస్టమర్లను ఆకర్షించడమే లక్ష్యంగా ఈ కొత్త మోడల్ను రూపొందిస్తున్నట్లు సమాచారం.
250cc హైబ్రిడ్ బైక్.. లాంచ్ ఎప్పుడంటే?
గతంలోనే రాయల్ ఎన్ఫీల్డ్ 250cc Hybrid Motorcycle తీసుకురాబోతోందనే వార్తలు వచ్చాయి. చైనాకు చెందిన CFMoto నుంచి 250cc Engineను తీసుకునే అవకాశం ఉందని, Hunter 350 కంటే తక్కువ ధరలో ఈ బైక్ను అందుబాటులోకి తీసుకురావచ్చని ప్రచారం జరిగింది. అయితే ఆ తర్వాత ఈ ప్రాజెక్ట్పై స్పష్టత లేకపోవడంతో కేవలం మీడియా ప్రచారంగానే మిగిలిపోయింది. తాజా సమాచారం ప్రకారం ఈ ప్రాజెక్ట్ మళ్లీ Trackలోకి వచ్చినట్లు తెలుస్తోంది. అన్నీ అనుకున్నట్లు జరిగితే Financial Year 2028 (FY28)లో ఈ బైక్ మార్కెట్లోకి వచ్చే అవకాశం ఉంది. దీని Ex-showroom Price సుమారు రూ.1.20 లక్షలుగా ఉండొచ్చని గతంలో అంచనాలు వెలువడ్డాయి. అయితే ధర, ఇంజిన్ వివరాలపై కంపెనీ నుంచి అధికారిక ప్రకటన రావాల్సి ఉంది.
50+ KMPL మైలేజ్.. BS7 నిబంధనలకు అనుగుణంగా ఇంజిన్?
ఈ బైక్లో Hybrid Technology ఉపయోగించనున్నట్లు సమాచారం. లీటర్కు 50 కిలోమీటర్లకు పైగా Mileage అందించేలా ఇంజిన్ను అభివృద్ధి చేయాలని కంపెనీ భావిస్తున్నట్లు తెలుస్తోంది. అంతేకాదు, భవిష్యత్తులో అమల్లోకి రానున్న BS7 (CAFE) Emission Normsకు అనుగుణంగా ఇంజిన్ను రూపొందించే ప్రణాళిక ఉన్నట్లు కథనం పేర్కొంది.
యువతే టార్గెట్.. పెరుగుతున్న 250cc బైక్ మార్కెట్!
భారత్లో 250cc నుంచి 800cc మధ్య సామర్థ్యం ఉన్న Mid-weight Motorcycle Market వేగంగా విస్తరిస్తోంది. గత ఐదేళ్లలో ఈ విభాగం అమ్మకాలు సుమారు 5.5 లక్షల యూనిట్ల నుంచి గత ఆర్థిక సంవత్సరంలో 12.7 లక్షల యూనిట్లకు పైగా పెరిగినట్లు సమాచారం. ఈ నేపథ్యంలో తక్కువ ధరలో ప్రీమియం బైక్ అనుభూతిని కోరుకునే యువతను ఆకర్షించేందుకు రాయల్ ఎన్ఫీల్డ్ ప్రయత్నిస్తోంది.
ఉత్పత్తి సామర్థ్యం పెంచేందుకు భారీ పెట్టుబడులు
చెన్నైలోని ప్రస్తుత Manufacturing Facility ద్వారా ఏడాదికి 15 లక్షల బైక్లను తయారు చేసే సామర్థ్యం ఉంది. దీన్ని 20 లక్షల యూనిట్లకు పెంచేందుకు కంపెనీ రూ.958 కోట్ల పెట్టుబడి పెడుతోంది. మరోవైపు ఆంధ్రప్రదేశ్లోనూ సుమారు 230 మిలియన్ డాలర్ల పెట్టుబడితో కొత్త Production Facility ఏర్పాటు చేయాలని ప్రణాళిక సిద్ధం చేసింది. ఈ ప్లాంట్ 2032 నాటికి పూర్తి స్థాయిలో పనిచేస్తే ఏడాదికి 9 లక్షల బైక్లను తయారు చేయగలదని అంచనా. ప్రస్తుతం Classic 350, Bullet 350, Hunter 350, Himalayan 450, Super Meteor 650, Shotgun 650, Guerrilla 450 వంటి మోడళ్లతో మార్కెట్లో కొనసాగుతున్న రాయల్ ఎన్ఫీల్డ్.. కొత్త 250cc బైక్తో మరింత విస్తృతమైన కస్టమర్ బేస్ను చేరుకోవాలని చూస్తున్నట్లు తెలుస్తోంది. అయితే ఈ బైక్కు సంబంధించిన వివరాలపై కంపెనీ అధికారిక ప్రకటన ఇంకా వెలువడలేదు.