ప్రపంచ చరిత్రలోనే అతిపెద్ద ఇంధన ఒప్పందం

వాషింగ్టన్: ప్రమాదకరమైన ఆ ప్రాంతంలో తవ్వకాలు జరపడానికి వెనుకాడే ఇంధన కంపెనీలను ప్రోత్సహించే లక్ష్యంతో, వెనిజులా(Venezuela) చమురు క్షేత్రాలలో అధిక భాగంలో అమెరికా దీర్ఘకాలిక వాటాను దక్కించుకుందని అధ్యక్షుడు డొనాల్డ్ ట్రంప్(Donald Trump) శుక్రవారం రాత్రి ప్రకటించారు. వెనిజులాకు చెందిన 65 బిలియన్ బ్యారెళ్లకు(65 billion Barrels) పైగా నిరూపిత చమురు నిల్వలపై నియంత్రణ సాధించేందుకు అమెరికా ఒక ఒప్పందాన్ని కుదుర్చుకుందని ట్రంప్ ప్రకటించారు. ప్రపంచచరిత్రలోనే అతిపెద్ద ఇంధన ఒప్పందమని తెలిపారు. "ఈ చారిత్రాత్మక లావాదేవీ అమెరికా చమురు నిల్వలను రెట్టింపు కంటే ఎక్కువగా పెంచుతుంది.

మన చమురు సరఫరాను గణనీయంగా పెంచుతుంది. అమెరికన్లందరికీ గ్యాస్ ధరలను గణనీయంగా తగ్గిస్తుంది." అని ట్రంప్ సోషల్ మీడియాలో పోస్ట్ చేశారు. వెనిజులా తాత్కాలిక అధ్యక్షురాలు డెల్సీ రోడ్రిగెజ్, ఈ ఒప్పందం తన దేశ ఆర్థిక పునరుజ్జీవనానికి దోహదపడుతుందని కొనియాడారు. ఈ సంవత్సరం అమెరికా, వెనిజులా(America, Venezuela) అప్పటి అధ్యక్షుడు నికోలస్ మదురోను పట్టుకున్న తర్వాత, ప్రపంచంలోనే అతిపెద్దవైన ఆ దేశ నిల్వలను వినియోగించుకుంటానని ట్రంప్ ప్రతిజ్ఞ చేశారు. ఇటీవలి కాలంలో, ఇరాన్ సంఘర్షణ మధ్య విపరీతంగా పెరిగిన దేశీయ పెట్రోల్ ధరలను అదుపు చేయాలనే ఒత్తిడి ట్రంప్‌పై ఉన్న విషయం తెలిసిందే. ఈ చమురు ఒప్పందాన్ని "అమెరికా-వెనిజులా ప్రజలందరికీ ఒక గొప్ప విజయం" అని విదేశాంగ కార్యదర్శి మార్కో రూబియో(Foreign Secretary Marco Rubio) అభివర్ణించారు.