తెలంగాణ డీజీపీ కార్యాలయంలో కానిస్టేబుల్ ఆత్మహత్య

ఘటన స్థలంలో సూసైడ్ నోట్ లభ్యం..

హైదరాబాద్: లక్డీకాపూల్‌లోని తెలంగాణ డైరెక్టర్ జనరల్ ఆఫ్ పోలీస్ (Telangana DGP office) కార్యాలయంలోని వాష్‌రూమ్‌లో గురువారం తెల్లవారుజామున ఒక పోలీస్ కానిస్టేబుల్ తన సర్వీస్ తుపాకీతో కాల్చుకుని ఆత్మహత్య చేసుకున్నాడు. స్వామి అనే కానిస్టేబుల్ వద్ద లభించిన ఒక లేఖలో, తన భార్యాపిల్లల గురించి ఎవరూ ఏమీ అనకూడదని, తాను చనిపోయి దెయ్యంగా మారినా సరే వారిని చూసుకుంటూనే ఉంటానని, వారు మంచివారని పేర్కొన్నారు. పోలీసులు మృతదేహాన్ని పోస్ట్‌మార్టం కోసం ఉస్మానియా జనరల్ హాస్పిటల్ (OGH) మార్చురీకి తరలించారు. తదుపరి దర్యాప్తు కొనసాగుతోందని పోలీసులు తెలిపారు.