దక్షిణ లెబనాన్‌పై ఇజ్రాయెల్ దాడులు.. 31 మంది మృతి

లెబనాన్ : హిజ్బుల్లాపై సైనిక చర్యలను ముమ్మరం చేస్తామని ఇజ్రాయెల్ ప్రధానమంత్రి బెంజమిన్ నెతన్యాహు(Israeli Prime Minister Benjamin Netanyahu) ప్రతిజ్ఞ చేసిన తర్వాత, దక్షిణ, తూర్పు లెబనాన్ అంతటా ఇజ్రాయెల్ జరిపిన తీవ్రమైన దాడులలో  31 మంది మరణించారని లెబనాన్ ఆరోగ్య మంత్రిత్వ శాఖ తెలిపింది. ఇజ్రాయెల్ దాడుల్లో 31 మంది మరణించారని లెబనాన్ ప్రకటించింది.

శాంతి ఒప్పందం(Peace Treaty) అమల్లో ఉన్నా ఇజ్రాయెల్ దాడులు చేసిందని లెబనాన్ ఆగ్రహం వ్యక్తం చేస్తోంది. ఏప్రిల్ మధ్యలో అమెరికా మధ్యవర్తిత్వంతో కాల్పుల విరమణ ప్రారంభమైనప్పటి నుండి జరిగిన అత్యంత తీవ్రమైన బాంబు దాడుల రాత్రులలో ఒకటిగా నిలిచిన ఈ ఘటనలో 100కు పైగా హిజ్బుల్లా మౌలిక సదుపాయాల స్థావరాలు, యోధులను లక్ష్యంగా చేసుకున్నట్లు ఇజ్రాయెల్ సైన్యం(Israeli Army) తెలిపింది. ఇజ్రాయెల్ దాడుల్లో కనీసం 3,185 మంది మరణించారని లెబనాన్ ఆరోగ్య మంత్రిత్వ శాఖ(Ministry of Health of Lebanon) తెలిపింది. ఇజ్రాయెల్ అర్ధరాత్రి గాజాపై రెండుచోట్ల వైమానికి దాడులు జరిపింది. ఈ దాడుల్లో ముగ్గురు పాలస్తీనా వాసులు మరణించగా, 12 మంది గాయపడ్డారు.