ఉరుములు, మెరుపులతో వర్షాలు.. Yellow Alert
నవంబర్ 3 వరకు వానలే వానలు.. వాతావరణ శాఖ కీలక హెచ్చరిక!
హైదరాబాద్: తెలంగాణలో మరోసారి వాతావరణం మారనుంది. కొద్దిరోజులుగా పొడి వాతావరణంతో ఇబ్బందిపడుతున్న ప్రజలకు వర్షాలు పలకరించనున్నాయి. రాష్ట్రంలోని పలు జిల్లాల్లో ఉరుములు, మెరుపులు, ఈదురుగాలులతో కూడిన వర్షాలు కురిసే అవకాశం ఉందని భారత వాతావరణ శాఖ (IMD) హెచ్చరించింది. ఈ నేపథ్యంలో అక్టోబర్ 31 నుంచి నవంబర్ 3 వరకు పలు ప్రాంతాలకు Yellow Alert జారీ చేసింది. ముఖ్యంగా నవంబర్ 2, 3 తేదీల్లో కొన్ని జిల్లాల్లో భారీ వర్షాలు కురిసే అవకాశం ఉందని Weather Forecast వెల్లడించింది.
ఈ జిల్లాలకు వర్ష సూచన..
అక్టోబర్ 31న ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, వరంగల్, హనుమకొండ, జనగామ, సిద్దిపేట, యాదాద్రి భువనగిరి జిల్లాలతో పాటు హైదరాబాద్, రంగారెడ్డి, మేడ్చల్-మల్కాజిగిరి, నాగర్‌కర్నూల్ జిల్లాల్లోనూ వర్షాలు కురిసే అవకాశం ఉంది. నవంబర్ 1న రాష్ట్రంలోని అన్ని జిల్లాల్లో అక్కడక్కడ ఉరుములు, మెరుపులు, గంటకు 30-40 కిలోమీటర్ల వేగంతో ఈదురుగాలులు వీచే అవకాశం ఉందని వాతావరణ శాఖ అంచనా వేసింది.
నవంబర్ 2, 3 తేదీల్లో భారీ వర్షాలు!
వాతావరణ శాఖ తాజా సూచనల ప్రకారం నవంబర్ 2, 3 తేదీల్లో తెలంగాణలోని కొన్ని ప్రాంతాల్లో Heavy Rainfall నమోదయ్యే అవకాశం ఉంది. ఉరుములు, మెరుపులతో కూడిన వర్షాలు కూడా కురిసే సూచనలు ఉన్నాయి. హైదరాబాద్‌తో పాటు పరిసర ప్రాంతాల్లో రానున్న నాలుగైదు రోజుల పాటు సాయంత్రం వేళల్లో తేలికపాటి నుంచి మోస్తరు వర్షాలు కురిసే అవకాశం ఉందని అంచనా. ప్రజలు ప్రయాణాలు, ఇతర పనులను వాతావరణ పరిస్థితులకు అనుగుణంగా ప్లాన్ చేసుకోవాలని సూచిస్తున్నారు. వర్షాలు కురిసే సమయంలో పిడుగులు పడే ప్రమాదం ఉన్నందున ప్రజలు అప్రమత్తంగా ఉండాలి. ఉరుములు, మెరుపులు సంభవిస్తున్నప్పుడు చెట్ల కింద, విద్యుత్ స్తంభాల సమీపంలో నిలబడకూడదు. వర్షాల సమయంలో రోడ్లపై Water Logging ఏర్పడే అవకాశం ఉండటంతో వాహనదారులు జాగ్రత్తగా ప్రయాణించాలి. వాతావరణంలో మార్పులు చోటుచేసుకునే అవకాశం ఉన్నందున IMD అధికారిక Weather Updatesను ఎప్పటికప్పుడు గమనించాలని సూచిస్తున్నారు.
