విడాకుల తర్వాత ఈషా-భరత్!

బాలీవుడ్ నటి ఈషా డియోల్ (Esha Deol), ఆమె మాజీ భర్త, వ్యాపారవేత్త భరత్ తఖ్తానీ (Bharat Takhtani) మరోసారి వార్తల్లో నిలిచారు. ముంబైలో జరిగిన దీపావళి వేడుకల్లో (Diwali Celebrations) ఈ మాజీ దంపతులు కలిసి కనిపించి అందరి దృష్టిని ఆకర్షించారు. విడాకుల తర్వాత వీరిద్దరూ ఒకే వేదికపై కలిసి సందడి చేయడం బాలీవుడ్‌లో ఆసక్తికర చర్చకు దారితీసింది.

ఈ వేడుకకు ఈషా లేత గులాబీ రంగు చీరలో హాజరై అందంగా మెరిసిపోయారు. భరత్ క్రీమ్ కలర్ బంధ్‌గాలా దుస్తుల్లో హుందాగా కనిపించారు. ఇద్దరూ కలిసి కెమెరాల ముందు నవ్వుతూ ఫొటోలకు పోజులిచ్చారు. దీంతో వీరి చిత్రాలు (Viral Photos) సోషల్ మీడియాలో వైరల్‌గా మారాయి.

12 ఏళ్ల వైవాహిక బంధానికి ముగింపు పలుకుతూ 2024 ఫిబ్రవరిలో తాము విడిపోతున్నట్లు ఈషా, భరత్ అధికారికంగా ప్రకటించారు. వీరికి రాధ్య, మిరాయా అనే ఇద్దరు కుమార్తెలు ఉన్నారు. పిల్లల సంక్షేమమే తమకు ముఖ్యమని, స్నేహపూర్వకంగా విడిపోవాలని నిర్ణయించుకున్నట్లు అప్పట్లో ఉమ్మడి ప్రకటన విడుదల చేశారు. విడిపోయినప్పటికీ పిల్లల భవిష్యత్తు కోసం స్నేహపూర్వక సంబంధాలను కొనసాగిస్తున్నట్లు తెలుస్తోంది. ఇందులో భాగంగానే ఈ దీపావళి వేడుకలకు (Family Bonding) కలిసి హాజరైనట్లు భావిస్తున్నారు.

ఈ కార్యక్రమంలో శిల్పా శెట్టి, రాజ్ కుంద్రా, సారా అలీ ఖాన్, రకుల్ ప్రీత్ సింగ్, జాకీ భగ్నానీ సహా పలువురు బాలీవుడ్ ప్రముఖులు సందడి చేశారు.