ప్రీమియం మాడ్యులర్ స్విచ్‌లు విడుదల చేసిన వి-గార్డ్

హైదరాబాద్, సెప్టెంబర్ 4, 2026: భారతదేశంలోని ప్రముఖ కన్స్యూమర్ ఎలక్ట్రికల్, ఎలక్ట్రానిక్స్ బ్రాండ్‌లలో ఒకటైన వి-గార్డ్(V-Guard), నిన్న హైదరాబాద్ లో నిర్వహించిన ఒక ప్రత్యేక ఆవిష్కరణ కార్యక్రమంలో తమ ప్రీమియం మాడ్యులర్ స్విచ్ శ్రేణులైన అరిజో మరియు జైరోలతో పాటు, డిజైనర్ కవర్ ప్లేట్ కలెక్షన్‌లైన పేస్‌ఆర్ట్ మరియు ట్రోసియాలను విడుదల చేస్తున్నట్లు ప్రకటించింది.

ఈ కొత్త ఉత్పత్తులను వి-గార్డ్ ఇండస్ట్రీస్ లిమిటెడ్ మేనేజింగ్ డైరెక్టర్ శ్రీ మిథున్ చిట్టిలాప్పిళ్లై ; డైరెక్టర్ & చీఫ్ ఆపరేటింగ్ ఆఫీసర్ శ్రీ రామచంద్రన్ వెంకటరామన్; సీనియర్ వైస్ ప్రెసిడెంట్ – మార్కెటింగ్ శ్రీ దీపక్ అగస్టిన్; మరియు నేషనల్ ప్రొడక్ట్ హెడ్ – మాడ్యులర్ స్విచెస్  శ్రీ విమల్ దీక్షిత్, సీనియర్ నాయకత్వ సభ్యులు, గౌరవనీయమైన ఛానల్ భాగస్వాముల సమక్షంలో లాంఛనంగా ఆవిష్కరించారు.

ఇంట్లో తరచుగా ఉపయోగించే వస్తువులలో స్విచ్‌లు ఒకటి అయినప్పటికీ వాటిని తరచుగా కేవలం వాటి పనితీరు కోణంలోనే చూస్తారు. అరిజో , జైరో , పేస్‌ఆర్ట్ , మరియు ట్రోసియా లను పరిచయం చేయడంతో, వి -గార్డ్  సంస్థ సమకాలీన నివాస స్థలాలకు అనుగుణంగా రూపొందించిన ఉత్పత్తులలో సున్నితమైన సౌందర్యం, ఆలోచనాత్మకమైన వివరాలు, భద్రత మరియు నమ్మకమైన పనితీరును మేళవించి, ఈ అవగాహనను పునర్నిర్వచించాలని లక్ష్యంగా పెట్టుకుంది.ఆలోచనాత్మకంగా తీర్చిదిద్దిన ఇంటీరియర్‌ల కోసం రూపొందించబడిన అరిజో మాడ్యులర్ స్విచ్ శ్రేణి మరియు పేస్‌ఆర్ట్ డిజైనర్ కవర్ ప్లేట్లు, సున్నితమైన డిజైన్, అధునాతన ఫినిషింగ్‌లు మరియు నమ్మకమైన కార్యాచరణను ఒకచోట చేర్చుతాయి.

అరిజో , శిల్పకళాత్మకమైన ఆకృతులను మరియు విలక్షణమైన మెటీరియల్ రూపాన్ని కలిగి ఉంటుంది. ఇది అనేక రకాల డెకార్ శైలులకు అనుగుణంగా ఉండేలా రూపొందించబడింది. తెలుపు, మెటాలిక్ స్టీల్ గ్రే, షాంపేన్ గోల్డ్ మరియు డార్క్ వుడ్ వంటి ఎంపిక చేసిన రంగుల శ్రేణిలో లభిస్తుంది.

సమకాలీన గృహాల అవసరాలను దృష్టిలో ఉంచుకుని రూపొందించిన జైరో మాడ్యులర్ స్విచ్ శ్రేణి మరియు ట్రోసియా డిజైనర్ కవర్ ప్లేట్లు మినిమలిస్ట్ డిజైన్, సున్నితమైన వివరాలు, రోజువారీ వినియోగంలో విశ్వసనీయత యొక్క సామరస్యపూర్వకమైన సమ్మేళనాన్ని అందిస్తాయి. సొగసైన, అత్యంత సన్నని ఆకృతిని, సున్నితమైన పనితీరును మరియు మన్నికైన నిర్మాణాన్ని కలిగి ఉండి, ఆధునిక ఇంటీరియర్‌లలో సులభంగా కలిసిపోయే ఒక సరళమైన మరియు నిరాడంబరమైన డిజైన్ శైలిని జైరో సృష్టిస్తుంది.