భగత్ సింగ్ జయంతి వేడుకలు

ఖానాపూర్ (విజయక్రాంతి): ఆమ్ఆద్మీ పార్టీ(Aam Aadmi Party) కార్యాలయంలో భగత్ సింగ్ జయంతి వేడుకలను ఘనంగా జరుపుకున్నారు. రాష్ట్ర జాయింట్ సెక్రటరీ సయ్యద్ హైదర్(State Joint Secretary Syed Haider) ఆయన చిత్రపటానికి పూలమాల వేసి నివాళులర్పించారు. సయ్యద్ హైదర్ మాట్లాడుతూ.. భగత్ సింగ్ కేవలం ఒక వ్యక్తి కాదని, ఆయన ఒక విప్లవ స్ఫూర్తి అని అన్నారు. దేశ స్వాతంత్రం కోసం 23 ఏళ్ల వయసులోనే ప్రాణత్యాగం చేసిన ఆయన జీవితం నేటి యువతకు ఆదర్శమని పేర్కొన్నారు.

అన్యాయంపై పోరాడటం, సమానత్వం, సామాజిక న్యాయం కోసం కృషి చేయడమే భగత్ సింగ్‌కు మనం అర్పించే నిజమైన నివాళని అన్నారు. ఈ కార్యక్రమంలో ఆప్ జిల్లా జనరల్ సెక్రటరీ సీ.హెచ్. వినోద్ కుమార్, ట్రెజరర్ అబ్దుల్ సాధిక్, వైస్ ప్రెసిడెంట్ బైండ్ల శ్రీనివాస్, నియోజకవర్గ ఇంచార్జి మెరుగు రాజన్న, టౌన్ వైస్ ప్రెసిడెంట్ సాజిద్ తదితరులు పాల్గొన్నారు.