ఫ్రాన్స్‌లో నిరసనల మంటలు!

ఫ్రాన్స్‌లో నిరసనలు (Protests) హింసాత్మకంగా మారాయి. ఆందోళనకారులు పోలీసులపై దాడులకు దిగడంతో పాటు పలు ప్రభుత్వ వాహనాలను ధ్వంసం చేశారు. చారిత్రక ప్రదేశాలకు నిప్పుపెట్టడంతో పరిస్థితులు ఉద్రిక్తంగా మారాయి. లిమోజెస్ నగరంలో 143 ఏళ్ల చరిత్ర కలిగిన టౌన్‌హాల్ (Town Hall) అగ్నికి ఆహుతైంది. ఈ ఘటనతో స్థానికంగా తీవ్ర కలకలం నెలకొంది. నిరసనల సందర్భంగా ప్రభుత్వ ఆస్తులకు (Public Property) భారీ నష్టం వాటిల్లింది. హింసను అదుపు చేసేందుకు భద్రతా బలగాలు చర్యలు చేపట్టాయి. ఈ క్రమంలో మొత్తం 1,800 మంది నిరసనకారులను పోలీసులు (Police) అరెస్టు చేశారు. నిరసనలు హింసాత్మకంగా మారడంతో పలు ప్రాంతాల్లో ఉద్రిక్త పరిస్థితులు నెలకొన్నాయి. ఘటనలకు సంబంధించి అధికారులు తదుపరి చర్యలు చేపడుతున్నారు.