3వ వార్డులో సమస్యలు పరిష్కరించాలి
మున్సిపల్ అధికారులకు మాజీ కౌన్సిలర్ దేశవాలి సతీష్‌కుమార్ వినతి
జడ్చర్ల, అక్టోబర్ 26: జడ్చర్ల మున్సిపాలిటీ(Jadcharla Municipality) పరిధిలోని 3వ వార్డులో నెలకొన్న పలు సమస్యలను పరిష్కరించాలని మాజీ కౌన్సిలర్ దేశవాలి సతీష్‌కుమార్ మున్సిపల్ అధికారులకు వినతిపత్రం సమర్పించారు. వార్డులో ప్రజలు ఎదుర్కొంటున్న సమస్యలను అధికారులు పరిశీలించి తక్షణమే చర్యలు చేపట్టాలని కోరారు.
వార్డులోని పలు ప్రాంతాల్లో మురుగు కాలువలు, పారిశుద్ధ్య సమస్యలు, రోడ్లకు సంబంధించిన ఇబ్బందులు ఉన్నాయని తెలిపారు. వర్షాకాలంలో మురుగు నీరు నిలిచిపోవడంతో ప్రజలు ఇబ్బందులు పడుతున్నారని, దోమల వ్యాప్తి పెరిగే అవకాశం ఉందని పేర్కొన్నారు.
అదేవిధంగా ప్రజలకు ఇబ్బందులు కలగకుండా అవసరమైన మౌలిక వసతులను మెరుగుపరచాలని కోరారు.వార్డులోని సమస్యలను సంబంధిత అధికారులు క్షేత్రస్థాయిలో పరిశీలించి, పెండింగ్‌లో ఉన్న పనులను పూర్తి చేసి ప్రజలకు సౌకర్యాలు కల్పించాలని దేశవాలి సతీష్‌కుమార్ విజ్ఞప్తి చేశారు.
