దీపావళిలోపే నోటిఫికేషన్లు

హైదరాబాద్: తెలంగాణలో ఇందిరమ్మ ఇళ్ల లబ్ధిదారులతో(Indiramma Illu Beneficiaries) కలిసి దీపావళి సంబరాలు నిర్వహించేందుకు ప్రభుత్వం ప్రత్యేక కార్యక్రమాన్ని చేపట్టనుంది. రాష్ట్రవ్యాప్తంగా గృహప్రవేశాలు పూర్తయిన ఇందిరమ్మ ఇళ్లలో ‘మా ఇందిరమ్మ ఇంట్లో దీపావళి’ పేరుతో వేడుకలు(Maa Indiramma Intlo Diwali Celebrations) జరపాలని నిర్ణయించింది. ఈ మేరకు ప్రజాప్రతినిధులు, జిల్లా అధికారులు, గృహనిర్మాణ శాఖ సిబ్బంది కార్యక్రమంలో భాగస్వాములు కావాలని మంత్రి పొంగులేటి శ్రీనివాస్ రెడ్డి(Minister Ponguleti Srinivas Reddy) సూచించారు.

ప్రతి నియోజకవర్గంలో ప్రత్యేక వేడుకలు

ముఖ్యమంత్రి రేవంత్ రెడ్డి సూచన మేరకు ఈ కార్యక్రమాన్ని నిర్వహిస్తున్నట్లు మంత్రి తెలిపారు. ప్రతి నియోజకవర్గంలో ఇప్పటికే గృహప్రవేశాలు పూర్తయిన ఇందిరమ్మ ఇళ్ల వద్ద దీపావళి వేడుకలు(Diwali Celebrations) జరగాలని పేర్కొన్నారు. ఎమ్మెల్యేలు, స్థానిక ప్రజాప్రతినిధులు, కలెక్టర్లు, హౌసింగ్ అధికారులు, ఇందిరమ్మ ఇళ్ల కమిటీ సభ్యులు ఈ సంబరాల్లో పాల్గొనాలని కోరారు. పేద కుటుంబాల సొంతింటి కల నెరవేరిన సందర్భంగా వారి ఆనందంలో భాగస్వాములు కావాలన్నది ఈ కార్యక్రమం ఉద్దేశమని వివరించారు.

మొదటి విడతలో 4.50 లక్షల ఇళ్లు

ఇందిరమ్మ ఇళ్ల పథకం(Indiramma Illu Scheme) అమలుపై మంత్రి కీలక వివరాలు వెల్లడించారు. రాష్ట్రంలో తొలి విడత కింద 4.50 లక్షల ఇళ్లను మంజూరు చేసినట్లు తెలిపారు. వీటిలో ఇప్పటివరకు 2,21,500 ఇళ్లలో గృహప్రవేశాలు పూర్తయ్యాయని చెప్పారు. మరో 1.90 లక్షల ఇళ్లు వివిధ నిర్మాణ దశల్లో ఉన్నాయని వివరించారు. రెండో విడతలోనూ మరో 4.50 లక్షల ఇళ్లను కేటాయించినట్లు పేర్కొన్నారు. ఆర్థిక ఇబ్బందులు ఎదురవుతున్నప్పటికీ పేదలకు సొంతింటి సౌకర్యం కల్పించడమే ప్రభుత్వ లక్ష్యమని స్పష్టం చేశారు.

నాలుగు కార్పొరేషన్లలో ఇందిరమ్మ టవర్లు

ఇదిలా ఉండగా, నిజామాబాద్, వరంగల్, నల్గొండ, కరీంనగర్ కార్పొరేషన్లలో నిర్మిస్తున్న ఇందిరమ్మ టవర్లకు దీపావళిలోపే నోటిఫికేషన్లు జారీ చేయనున్నట్లు మంత్రి వెల్లడించారు. ఈ నాలుగు ప్రాంతాల్లోని జీ+5 ఇందిరమ్మ టవర్లు, ఇప్పటికే పూర్తయిన ఇందిరమ్మ ఇళ్లలోనూ పండుగ సంబరాలు నిర్వహించనున్నట్లు తెలిపారు.

క్యూఆర్ పరిధిలో లక్ష ప్లాట్లు

మరోవైపు, క్యూర్ (CORE) అర్బన్ రీజియన్ పరిధిలో ఇందిరమ్మ టవర్ల ద్వారా లక్ష ప్లాట్ల నిర్మాణం చేపడుతున్నట్లు పొంగులేటి వెల్లడించారు. ఈ ప్రాజెక్టుల ద్వారా పట్టణ ప్రాంతాల్లో ఇళ్ల అవసరాలను తీర్చేందుకు ప్రభుత్వం ప్రణాళికలు సిద్ధం చేస్తోందని తెలిపారు. మొత్తంగా ఈ దీపావళి ఇందిరమ్మ ఇళ్ల లబ్ధిదారుల కుటుంబాల్లో ప్రత్యేక పండుగ వాతావరణం తీసుకురావాలని ప్రభుత్వం భావిస్తోంది.