ఓఆర్ఆర్‌పై నాలుగు కార్ల వరుస ఢీ

21-11-2026 | 03:32pm

రంగారెడ్డి జిల్లాలోని హిమాయత్ సాగర్ సమీపంలో ఔటర్ రింగ్ రోడ్డుపై (Outer Ring Road) రోడ్డు ప్రమాదం చోటుచేసుకుంది. రాజేంద్రనగర్ పరిధిలో గచ్చిబౌలి నుంచి శంషాబాద్ వెళ్లే మార్గంలో నాలుగు కార్లు వరుసగా ఢీకొన్నాయి. ఈ ఘటనలో పలువురు గాయపడటంతో అక్కడ కలకలం రేగింది. ప్రాథమిక సమాచారం ప్రకారం.. ఓఆర్ఆర్‌పై ముందు వెళ్తున్న కారును వెనుక నుంచి వచ్చిన మరో కారు బలంగా ఢీకొట్టింది. దీంతో వెనుక వస్తున్న మిగతా వాహనాలు కూడా ఒకదానికొకటి ఢీకొన్నాయి. ఇలా మొత్తం నాలుగు కార్లు ప్రమాదానికి (Road Accident) గురయ్యాయి.

ఈ ఘటనలో పలువురికి గాయాలు కావడంతో స్థానికంగా ఆందోళన నెలకొంది. ప్రమాదం గురించి సమాచారం అందుకున్న పోలీసులు (Police) వెంటనే ఘటనా స్థలానికి చేరుకుని సహాయక చర్యలు చేపట్టారు. ప్రమాదానికి గల పూర్తి కారణాలు, క్షతగాత్రుల పరిస్థితిపై మరిన్ని వివరాలు తెలియాల్సి ఉంది.ఓఆర్ఆర్‌పై ప్రయాణించే వాహనదారులు అప్రమత్తంగా ఉండాలని, ముందు వెళ్తున్న వాహనాలకు తగిన దూరం పాటించాలని అధికారులు సూచిస్తున్నారు.

మరిన్ని వార్తలు