కేటీఆర్ పర్యటనపై వేణుగోపాల్ యాదవ్ ప్రశ్నల వర్షం

ఆదిలాబాద్, నవంబర్ 01 (విజయక్రాంతి): బీఆర్ఎస్ వర్కింగ్ ప్రెసిడెంట్ కేటీఆర్ ఆదిలాబాద్ జిల్లాకు వచ్చేది ఆత్మహత్య చేసుకున్న రైతు కుటుంబాన్ని పరామర్శించడానికా? లేక పార్టీ వారోత్సవాల్లో పాల్గొనడానికా? అని తెలంగాణ రక్షణ సేన (టీఆర్ఎస్) ఆదిలాబాద్ నియోజకవర్గ ఇన్‌చార్జ్ వేణుగోపాల్ యాదవ్ ప్రశ్నించారు. ఆదివారం ఆదిలాబాద్‌లో మీడియాతో మాట్లాడుతూ కేటీఆర్‌ పర్యటనపై విమర్శలు గుప్పించారు (Political Reaction).

రైతు కుటుంబాన్ని పరామర్శించేందుకు తలమడుగుకు వస్తున్న కేటీఆర్‌కు స్వాగతం పలుకుతూ దారి పొడవునా స్వాగత తోరణాలు ఏర్పాటు చేయడమేంటని ఆయన ప్రశ్నించారు. ఇది ఆ పార్టీ నాయకుల విజ్ఞతకే వదిలేస్తున్నట్లు తెలిపారు (KTR Visit).

పంటలు పండక ఇద్దరు రైతులు ఆత్మహత్య చేసుకున్న తలమడుగు మండలాన్ని కరువు మండలాల జాబితా నుంచి మినహాయించడం సరికాదని వేణుగోపాల్ యాదవ్ అన్నారు. అధికారుల తప్పుడు సర్వే కారణంగానే మండలాన్ని కరువు జాబితా నుంచి విస్మరించారని ఆరోపించారు (Drought Assessment). తమ నాయకురాలు కల్వకుంట్ల కవిత జిల్లా అభివృద్ధిపై ప్రత్యేక దృష్టి సారిస్తున్నారని తెలిపారు. ఆమె జిల్లాలో పర్యటించినప్పటి నుంచే బీజేపీ, బీఆర్ఎస్ నాయకుల్లో కదలిక వచ్చిందని వ్యాఖ్యానించారు (District Development).

ఈ కార్యక్రమంలో నాయకులు ప్రమోద్ తదితరులు పాల్గొన్నారు.