నక్సల్బరీ యోధుడికి విప్లవ జోహార్లు
ఆలేరు, నవంబర్ 1 (విజయక్రాంతి): నక్సల్బరీ ఉద్యమ యోధుడు, సీపీఐ ఎంఎల్ రాష్ట్ర కార్యదర్శి కామ్రేడ్ పొట్ల రామ నర్సయ్య 50వ వర్ధంతి సభను ఆదివారం ఆలేరులో ఘనంగా నిర్వహించారు. సీపీఐ ఎంఎల్ న్యూడెమోక్రసీ జిల్లా కమిటీ ఆధ్వర్యంలో జరిగిన ఈ కార్యక్రమంలో ఆయన చిత్రపటానికి పూలమాలలు వేసి నివాళులర్పించారు. రెండు నిమిషాల పాటు మౌనం పాటించి విప్లవ జోహార్లు అర్పించారు.
నాలుగో తరగతి వరకు మాత్రమే చదువుకున్నప్పటికీ సమాజంపై లోతైన అవగాహన పెంచుకుని, అట్టడుగు వర్గాల ప్రజల హక్కుల కోసం రామ నర్సయ్య పోరాడారని నాయకులు గుర్తుచేశారు. ఈ సందర్భంగా జిల్లా కార్యదర్శి ఆర్. జనార్ధన్ మాట్లాడుతూ.. భూస్వాముల దోపిడీకి వ్యతిరేకంగా పీడిత ప్రజలను ఐక్యం చేసి అనేక భూ పోరాటాలకు ఆయన నాయకత్వం వహించారని తెలిపారు. 1976 నవంబర్ 1న బూటకపు ఎన్‌కౌంటర్‌ (Fake Encounter)లో ఆయనను హత్య చేశారని ఆరోపించారు.
ఏఐకేఎంఎస్ రాష్ట్ర అధ్యక్షుడు మామిడాల భిక్షపతి మాట్లాడుతూ.. రైతులు, కూలీలు, పేద ప్రజల విముక్తి కోసం సాగించిన పోరాటాలు చరిత్రలో నిలిచిపోతాయని అన్నారు. భూమి కోసం సాగిన ప్రజా ఉద్యమాల స్ఫూర్తిని (People's Movement) కొనసాగించాలని పిలుపునిచ్చారు.
ఈ కార్యక్రమంలో ఇక్కిరి సహదేవ్, మామిడాల సోమయ్య, చిరబోయిన రాజయ్య, మామిడాల బాలమల్లేష్, పిన్నపు రెడ్డి రాఘవరెడ్డి, మారుజోడు సిద్ధేశ్వర్, సాధుల శ్రీకాంత్, కుర్రి సత్యనారాయణ, అయిల యాకయ్య, ఇక్కిరి బీరయ్య, గడ్డం మంకయ్య, ఆర్. ఉదయ్, మామిడాల ప్రవీణ్, ఊరడి రామచంద్రు, ఓరుగంటి మైసయ్య, తలారి వెంకటేష్, మామిడాల మహేష్, వడ్లకొండ బాలరాజు, కోలా సోములు, కాండ్రాజు రమేష్ తదితరులు పాల్గొన్నారు.
ఇకపై వార్తా కథనాల్లో మీరు కో
