జెన్ జీల కోసం బబ్లూ XXL వస్తున్నాడు!
ప్రముఖ నిర్మాతలు పుష్కూర్ రామ్ మోహన్ రావు, భరత్ ఎన్. నారంగ్ నేతృత్వంలోని శ్రీ వెంకటేశ్వర సినిమాస్(Sree Venkateswara Cinemas) సంస్థ మరో సరికొత్త చిత్రంతో ప్రేక్షకులను అలరించేందుకు సిద్ధమవుతోంది. యంగ్ ట్యాలెంటెడ్ సుమంత్ ప్రభాస్ హీరోగా నటిస్తున్న ఈ చిత్రాన్ని జెన్ జెడ్ ప్రేక్షకులను ఆకట్టుకునే ఎంటర్‌టైనర్‌గా రూపొందిస్తున్నారు.
ఈ సినిమా సాయిలు కంపాటి దర్శకత్వం వహిస్తున్నరెండో సినిమా. ఆయన తొలి చిత్రం ‘రాజు వెడ్స్ రాంబాయి’ బ్లాక్‌బస్టర్ విజయం సాధించిన విషయం తెలిసిందే. తాజాగా ఈ చిత్రానికి ‘బబ్లూ XXL’ అనే టైటిట్‌ను ఖరారు చేస్తూ, మేకర్స్ కలర్ ఫుల్ పోస్టర్‌ను విడుదల చేశారు. దసరా సందర్భంగా ప్రకటించిన ఈ టైటిల్, పోస్టర్ సినిమా యూత్‌ఫుల్, ఫన్ ప్రపంచాన్ని పరిచయం చేస్తున్నాయి.
ఈ సినిమాలో సుమంత్ ప్రభాస్ సరసన గహజీ ఎస్కే కథానాయికగా నటిస్తుండగా.. రాధికా శరత్‌కుమార్, జయలలిత, శివాజీ రాజా కీలక పాత్రల్లో కనిపించనున్నారు. ప్రస్తుతం ఈ సినిమా షూటింగ్ జరుగుతోంది. ఈ చిత్రానికి వాజిద్ బేగ్ సినిమాటోగ్రఫీ అందిస్తుండగా, విజయ్ బుల్గానిన్ సంగీతం సమకూరుస్తున్నారు. నరేశ్ అడుప ఎడిటింగ్ నిర్వహిస్తుండగా, పవన్ కల్యాణ్ ఎల్లపు ఆర్ట్ డైరెక్టర్‌గా వ్యవహరిస్తున్నారు.
