30న కృషి విజ్ఞాన కేంద్రంలో కిసాన్ మేళా
జిల్లా కలెక్టర్ కుమార్ దీపక్
బెల్లంపల్లి,(విజయ క్రాంతి): రైతులకు వ్యవసాయ రంగంలో(Agricultural Sector) ఆధునిక సాంకేతికత(Modern technology), ప్రభుత్వ పథకాలు, రైతు సంక్షేమ కార్యక్రమాలపై అవగాహన కల్పించేందుకు జిల్లాలోని బెల్లంపల్లిలో(Bellampalli) గల కృషి విజ్ఞాన కేంద్రంలో ఈ నెల 30న ఉదయం 9 గంటలకు కిసాన్ మేళా(Kisan Mela) నిర్వహించడం జరుగుతుందని జిల్లా కలెక్టర్ కుమార్ దీపక్(District Collector Kumar Deepak) ఒక ప్రకటనలో తెలిపారు. వ్యవసాయ రంగానికి సంబంధించిన ఆధునిక సాంకేతిక పరిజ్ఞానం, పంటల సాగులో నూతన పద్ధతులు, ప్రభుత్వ వ్యవసాయ పథకాలు, రైతు సంక్షేమ కార్యక్రమాలు తదితర అంశాలపై రైతులకు అవగాహన కల్పించడం జరుగుతుందని పేర్కొన్నారు.
వ్యవసాయ నిపుణులు, సంబంధిత శాఖల అధికారులు రైతులకు అవసరమైన సూచనలు, సలహాలు అందిస్తారని తెలిపారు. వ్యవసాయ పథకాలు, ఆధునిక సాగు విధానాలు, రైతు సంక్షేమ కార్యక్రమాలపై కళారూపాల ద్వారా వివరించడం జరుగుతుందని, జిల్లాలోని రైతులు పెద్ద సంఖ్యలో పాల్గొని కిసాన్ మేళాను సద్వినియోగం చేసుకోవాలని కోరారు.
