పంట నష్టం.. బలైన అన్నదాత!

ముదిగొండ మండలంలోని గోకినపల్లి గ్రామానికి చెందిన ఓ రైతు అప్పుల బాధతో బలవన్మరణానికి పాల్పడిన ఘటన శనివారం అర్ధరాత్రి చోటుచేసుకుంది. తనకున్న నాలుగు ఎకరాలతో పాటు మరో 15 ఎకరాలను కౌలుకు తీసుకొని పత్తి, మిర్చి సాగు చేస్తున్నాడు. ఎల్‌నినో (El Niño) ప్రభావంతో పంటలకు సరైన దిగుబడులు రాకపోవడంతో చేసిన అప్పులు తీర్చలేక మనస్తాపానికి గురయ్యాడు. ఈ క్రమంలో రెండు రోజుల క్రితం సాయంత్రం తన పొలంలో గడ్డి మందు (Weedicide) తాగి ఆత్మహత్యాయత్నానికి పాల్పడ్డాడు. కుటుంబ సభ్యులు అతడిని ఖమ్మంలోని శ్రేష్ట మల్టీ స్పెషాలిటీ ఆసుపత్రిలో (Multi-Speciality Hospital) చేర్పించగా, చికిత్స పొందుతూ సాయంత్రం మృతి చెందాడు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ముదిగొండ పోలీసులు తెలిపారు. రైతు మృతిపై పలు పార్టీల నాయకులు, రైతు సంఘాల నాయకులు సంతాపం వ్యక్తం చేశారు. రైతు కుటుంబాన్ని ప్రభుత్వం (Government) ఆదుకోవాలని కోరారు.