15 ఏళ్లకే చరిత్ర సృష్టించిన తన్వి

యూత్ ఒలింపిక్స్ ఫైనల్‌కు దూసుకెళ్లిన తన్వి.. గోల్డ్‌పై గురి!

భారత యువ బ్యాడ్మింటన్ క్రీడాకారిణి తన్వి పట్రి అంతర్జాతీయ వేదికపై అదరగొడుతోంది. సెనెగల్ రాజధాని డాకర్‌లో జరుగుతున్న Youth Olympic Games మహిళల Singles విభాగంలో ఫైనల్‌కు చేరి సరికొత్త చరిత్ర సృష్టించింది. ఈ ఘనత సాధించిన తొలి భారత మహిళా బ్యాడ్మింటన్ ప్లేయర్‌గా తన్వి రికార్డు నెలకొల్పింది. గురువారం జరిగిన ఉత్కంఠభరితమైన సెమీఫైనల్‌లో జపాన్‌కు చెందిన రెండో సీడ్ క్రీడాకారిణి యుజునో వతనాబేపై తన్వి అద్భుత విజయం సాధించింది. 54 నిమిషాల పాటు సాగిన హోరాహోరీ పోరులో 21-14, 11-21, 21-19 స్కోరుతో ప్రత్యర్థిని ఓడించి Title Clashకు అర్హత సాధించింది. నిర్ణయాత్మకమైన మూడో గేమ్‌లో ఒత్తిడిని తట్టుకుని చివరి వరకు పోరాడిన తన్వి తన ప్రతిభను చాటుకుంది.

ఒడిశాకు చెందిన ఈ 15 ఏళ్ల యువ షట్లర్ ఇప్పటికే మరో అరుదైన ఘనత సాధించింది. థాయ్‌లాండ్ ప్లేయర్ కుంగ్‌కేవ్ కనానిక్‌ను ఓడించి Youth Olympic Games బ్యాడ్మింటన్‌లో సెమీఫైనల్‌కు చేరిన తొలి భారత మహిళగా నిలిచింది. ఇప్పుడు ఫైనల్‌కు చేరడంతో మరో చారిత్రక విజయానికి చేరువైంది. ఇక తుది పోరులో గెలిస్తే తన్వి ఖాతాలో చారిత్రక Gold Medal చేరనుంది. దేశం మొత్తం ఆమెపై భారీ అంచనాలు పెట్టుకుంది. ఫైనల్‌లోనూ ఇదే జోరు కొనసాగించి స్వర్ణ పతకాన్ని సాధిస్తుందా అన్నది ఆసక్తికరంగా మారింది.