బూత్‌ల వద్ద బిగ్ టెన్షన్.. కర్నూలులో రచ్చ
పోలింగ్ ఏజెంట్ల అడ్డగింత.. వైఎస్సార్, కర్నూలులో రచ్చ
కర్నూలు, నవంబర్ 5 (విజయక్రాంతి): ఆంధ్రప్రదేశ్‌లో ఎన్నికల పోలింగ్ సందర్భంగా వైఎస్సార్, కర్నూలు జిల్లాల్లో తీవ్ర Tension నెలకొంది. పోలింగ్ ఏజెంట్లను బూత్‌ల్లోకి అనుమతించకుండా అడ్డుకున్నారని వైఎస్సార్‌సీపీ నేతలు ఆరోపించగా, పలుచోట్ల దాడులు జరిగినట్లు ఫిర్యాదులు వెలువడ్డాయి. ఎంపీ అవినాష్ రెడ్డిని పోలీసులు అడ్డుకోవడం రాజకీయ వివాదానికి దారితీసింది. వైఎస్సార్‌సీపీ ఏజెంట్లను పోలింగ్ కేంద్రాల్లోకి అనుమతించాలని అవినాష్ రెడ్డి కోరగా, డీఎస్పీ మురళీ నాయక్ అడ్డుకోవడంతో వాగ్వాదం చోటుచేసుకుంది. బయట వ్యక్తులు పెద్ద సంఖ్యలో తిరుగుతున్నా పోలీసులు పట్టించుకోవడం లేదని, తమ పార్టీ నాయకులను అక్రమంగా అరెస్టు చేస్తున్నారని వైఎస్సార్‌సీపీ నేతలు ఆరోపించారు. పార్నపల్లి బూత్ వద్ద కొందరు రాళ్లు, కర్రలతో సంచరిస్తున్నారని అవినాష్ రెడ్డి పేర్కొన్నారు.
ఇదిలా ఉండగా, లింగాల మండలం ఇప్పట్ల గ్రామంలోనూ దాడుల ఆరోపణలు కలకలం రేపాయి. విలేకరులపై కొందరు వ్యక్తులు కర్రలతో దాడి చేయడంతో తీవ్ర గాయాలైనట్లు సమాచారం. వైఎస్సార్‌సీపీ జడ్పీటీసీ అభ్యర్థి శ్రీదేవి, స్వతంత్ర అభ్యర్థి సురేఖపై కూడా దాడి జరిగినట్లు ఆరోపణలు వచ్చాయి. మహిళా అభ్యర్థుల బంగారు ఆభరణాలను లాక్కునేందుకు ప్రయత్నించారని బాధితులు ఆరోపించారు. మరోవైపు కర్నూలు మండలంలోని ఆర్కే దుద్యాల, ఎదురూరు, తొలిసాపురం, బసాపురం, ఆర్. కొంతపాడు, సుంకేసుల గ్రామాల్లోనూ ఉద్రిక్తత నెలకొన్నట్లు సమాచారం. వైఎస్సార్‌సీపీ పోలింగ్ ఏజెంట్లను బూత్‌ల్లోకి వెళ్లకుండా అడ్డుకోవడంతో పాటు, కొన్ని చోట్ల వారి Election Documents చించివేశారని ఆ పార్టీ నేతలు ఆరోపించారు. అభ్యర్థులు ఓటు హక్కు వినియోగించుకోకుండా అడ్డుకునే ప్రయత్నాలు జరిగాయని పేర్కొన్నారు. ఈ పరిణామాలతో పోలింగ్ కేంద్రాల వద్ద ఉద్రిక్త వాతావరణం నెలకొంది.
