భారత్–విండీస్ మ్యాచ్‌పై సస్పెన్స్!

బెంగళూరు: భారత్, వెస్టిండీస్ జట్ల మధ్య జరుగుతున్న ఐదో టీ20 మ్యాచ్‌కు వరుణుడు అడ్డంకిగా మారాడు. బెంగళూరులోని ఎం. చిన్నస్వామి స్టేడియంలో వర్షం కారణంగా టాస్ ఆలస్యమైంది. దీంతో మ్యాచ్ ఎప్పుడు ప్రారంభమవుతుందా అని క్రికెట్ అభిమానులు ఎదురుచూస్తున్నారు. ఐదు మ్యాచ్‌ల టీ20 సిరీస్ ప్రస్తుతం 2-2తో సమనంగా ఉంది. దీంతో చివరి మ్యాచ్‌లో గెలిచిన జట్టు సిరీస్‌ను కైవసం చేసుకోనుంది.

కీలకమైన ఈ పోరులో వర్షం ప్రభావం చూపుతుండటంతో ఇరు జట్ల అభిమానుల్లో ఉత్కంఠ నెలకొంది. వాతావరణ పరిస్థితులు అనుకూలిస్తే మ్యాచ్ ప్రారంభమయ్యే అవకాశం ఉంది. అయితే, వర్షం ఎంతసేపు కొనసాగుతుంది? ఓవర్ల సంఖ్యలో కోత పడుతుందా? అన్నది మైదానంలోని పరిస్థితులపై ఆధారపడి ఉంటుంది. మ్యాచ్‌కు సంబంధించిన తాజా సమాచారం కోసం అభిమానులు ఆసక్తిగా ఎదురుచూస్తున్నారు.