బంగ్లాదేశ్ చరిత్ర మారుస్తుందా?
ఆస్ట్రేలియా బౌలింగ్ ఎటాక్ రెడీ.. బంగ్లాదేశ్‌కు సవాల్!
బ్రిస్బేన్: ఆస్ట్రేలియా, బంగ్లాదేశ్ మహిళల జట్ల(Australia Women vs Bangladesh Women 1st ODI) మధ్య తొలి వన్డేకు రంగం సిద్ధమైంది. బ్రిస్బేన్‌లోని అలన్ బోర్డర్ ఫీల్డ్ వేదికగా జరుగుతున్న ఈ మ్యాచ్‌లో టాస్ గెలిచిన ఆస్ట్రేలియా కెప్టెన్ తహ్లియా మెక్‌గ్రాత్ ముందుగా బౌలింగ్ ఎంచుకుంది. ప్రత్యర్థిని తక్కువ స్కోరుకే పరిమితం చేసి, లక్ష్యాన్ని ఛేదించాలన్న వ్యూహంతో ఆసీస్ బరిలోకి దిగింది. ఈ మ్యాచ్‌తో మూడు వన్డేల సిరీస్ ప్రారంభమైంది.
తొలి మ్యాచ్‌లో ఆస్ట్రేలియా బౌలింగ్ బాధ్యతలను మేగన్ షట్, కిమ్ గార్త్ పంచుకోనున్నారు. కెప్టెన్ సోఫీ మోలిన్యూ హిప్ సమస్యతో, పేసర్ లూసీ హామిల్టన్ తొడ కండరాల ఇబ్బందితో ఈ 50 ఓవర్ల సిరీస్‌కు దూరంగా ఉన్నారు. మోలిన్యూ స్థానంలో జట్టు పగ్గాలు చేపట్టిన మెక్‌గ్రాత్‌కు ఇది మరో కీలక అవకాశం. ఇటీవల వెస్టిండీస్ పర్యటనలో ఆస్ట్రేలియా 3–0తో(Australia Women) వన్డే సిరీస్‌ను క్లీన్ స్వీప్ చేసింది. ఇప్పుడు సొంతగడ్డపై కూడా అదే ఆధిపత్యాన్ని కొనసాగించాలని చూస్తోంది.
బంగ్లాదేశ్‌కు చరిత్ర సృష్టించే అవకాశం
మరోవైపు, ఆస్ట్రేలియాపై తొలి విజయాన్ని నమోదు చేయాలని బంగ్లాదేశ్ మహిళల జట్టు(Bangladesh Women playing XI) పట్టుదలగా ఉంది. ఇప్పటివరకు ఏ ఫార్మాట్‌లోనూ ఆస్ట్రేలియాను ఓడించని బంగ్లాదేశ్‌కు ఈ సిరీస్ ప్రత్యేకంగా నిలవనుంది. ఆస్ట్రేలియాలో బంగ్లాదేశ్ మహిళల జట్టు ఆడుతున్న తొలి వన్డే పర్యటన ఇదే. అంతకుముందు 2020 మహిళల టీ20 ప్రపంచకప్(T20 World Cup) సందర్భంగా మాత్రమే ఆ జట్టు ఆస్ట్రేలియాలో ఆడింది. ఇటీవల టీ20 ప్రపంచకప్‌లో అద్భుత ప్రదర్శన చేసిన ఆస్ట్రేలియా ఆల్‌రౌండర్ ఎల్లీస్ పెర్రీ.. వన్డే ఫార్మాట్‌లోనూ తమదైన ముద్ర వేయాలని జట్టు భావిస్తోందని తెలిపారు. మహిళల వన్డే ప్రపంచకప్‌పై(Women's ODI World Cup) కూడా తమ దృష్టి ఉందని, రాబోయే సంవత్సరాల్లో ఈ ఫార్మాట్‌లో తమ ఆటతీరును మరింత మెరుగుపరుచుకోవాలని చూస్తున్నామని ఆమె పేర్కొన్నారు.
ఆస్ట్రేలియా జట్టు
ఫోబీ లిచ్‌ఫీల్డ్, జార్జియా వోల్, ఎల్లీస్ పెర్రీ, బెత్ మూనీ (వికెట్ కీపర్), అన్నాబెల్ సదర్లాండ్, యాష్లీ గార్డ్నర్, తహ్లియా మెక్‌గ్రాత్ (కెప్టెన్), జార్జియా వేర్‌హామ్, కిమ్ గార్త్, అలానా కింగ్, మేగన్ షట్.
బంగ్లాదేశ్ జట్టు
నిగర్ సుల్తానా జోటీ (కెప్టెన్, వికెట్ కీపర్), నహీదా అక్తర్, షర్మిన్ అక్తర్ సుప్తా, రితు మోని, ఫర్గానా హోక్ పింకీ, షర్మిన్ సుల్తానా, సోభనా మొస్తరీ, రబేయా ఖాన్, మారుఫా అక్తర్, షోర్నా అక్తర్, హబీబా ఇస్లాం పింకీ.
