TCS షేర్లకు రెక్కలు
ప్రముఖ ఐటీ సంస్థ టాటా కన్సల్టెన్సీ సర్వీసెస్ (TCS) షేర్లు స్టాక్ మార్కెట్‌లో దూసుకెళ్లాయి. రెండో త్రైమాసిక (Q2) ఆర్థిక ఫలితాల తర్వాత శుక్రవారం కంపెనీ షేర్ ధర 5 శాతానికి పైగా పెరిగింది. నికర లాభం 15 శాతం వృద్ధి చెంది రూ.13,884 కోట్లకు చేరడం ఇన్వెస్టర్లలో సానుకూల సంకేతాలను పంపింది. బీఎస్ఈ (BSE)లో TCS షేర్(Tata Consultancy Services Share) ధర 5.11 శాతం పెరిగి రూ.2,181.30 వద్దకు చేరింది. మరోవైపు ఎన్ఎస్ఈ (NSE)లో కూడా స్టాక్ దాదాపు 5 శాతం లాభంతో రూ.2,180 స్థాయికి ఎగబాకింది.
ఈ ర్యాలీతో కంపెనీ మార్కెట్ విలువ ఒక్కరోజులో సుమారు రూ.36,452 కోట్లు(TCS Market Valuation) పెరిగినట్లు నివేదిక పేర్కొంది. కంపెనీ లాభాల్లో వృద్ధి, భవిష్యత్తులోనూ వ్యాపార వృద్ధి కొనసాగుతుందన్న అంచనాలు TCS షేర్లపై ఆసక్తిని పెంచాయి. ఐటీ రంగంలోని ప్రధాన స్టాక్స్‌పై దృష్టి పెట్టిన మార్కెట్ ఇన్వెస్టర్లకు ఈ పరిణామం కీలకంగా మారింది. అయితే షేర్ ధరలు మార్కెట్ పరిస్థితులు, కంపెనీ భవిష్యత్ పనితీరు ఆధారంగా మారవచ్చు; గత లాభాలు భవిష్యత్ రాబడులకు హామీ కావు.
