స్నేహభావానికి, మంచితనానికి ప్రతిరూపం సీనియర్ పాత్రికేయుడు మహావాది
- మంథని విద్యార్థి యువత వ్యవస్థాపకులు కొండెల మారుతి
- మంథని డివిజన్ మీడియా ప్రెస్ క్లబ్‌లో అధ్యక్షుడు కొడారి మల్లేష్ యాదవ్ ఆధ్వర్యంలో ఘనంగా సతీష్ జన్మదిన వేడుకలు
మంథని, అక్టోబర్ 22 (విజయ క్రాంతి) మంచితనం, మృదుస్వభావం, స్నేహభావంతో అందరి మన్ననలు పొందుతున్న మన తెలంగాణ దినపత్రిక సీనియర్(Senior [journalist/staff member] at a Telangana daily newspaper) పాత్రికేయుడు, మంథని డివిజన్ మీడియా ప్రెస్ క్లబ్ ప్రధాన కార్యదర్శి మహావాది సతీష్ కుమార్ జన్మదిన వేడుకలను గురువారం ఘనంగా నిర్వహించారు.
మంథని విద్యార్థి యువత వ్యవస్థాపకుడు, సీనియర్ పాత్రికేయుడు కొండేల మారుతి సౌజన్యంతో, ప్రెస్ క్లబ్ అధ్యక్షుడు కొడారి మల్లేష్ యాదవ్ ఆధ్వర్యంలో ప్రెస్ క్లబ్‌లో గురువారం సాయంత్రం ఈ వేడుకలు జరిగాయి. ఈ సందర్భంగా సభ్యులు సతీష్ కుమార్‌కు జన్మదిన శుభాకాంక్షలు తెలిపి, ఆయన వ్యక్తిత్వాన్ని, పాత్రికేయ సేవలను వారు కొనియాడారు.
మంచితనం, స్నేహభావం ఆయన ప్రత్యేకత
ఈ సందర్భంగా ప్రెస్ క్లబ్ అధ్యక్షుడు కొడారి మల్లేష్ యాదవ్, సీనియర్ పాత్రికేయుడు కొండేల మారుతి, మేడగోని రాజమౌళి గౌడ్ మాట్లాడుతూ.. మహావాది సతీష్ కుమార్ పాత్రికేయ వృత్తిపట్ల నిబద్ధతతో పనిచేస్తూ, తోటి పాత్రికేయులతో స్నేహపూర్వకంగా మెలుగుతూ అందరి అభిమానాన్ని సంపాదించుకున్నారని అన్నారు. వృత్తిపరమైన బాధ్యతలతో పాటు మానవీయ విలువలకు ప్రాధాన్యమిస్తూ, ఇతరులకు తనవంతు సహాయం అందించాలనే సేవాభావం కలిగి ఉండటం అభినందనీయమని పేర్కొన్నారు.
సమాజంలోని సమస్యలను వెలుగులోకి తీసుకురావడంలో పాత్రికేయుల పాత్ర కీలకమని, ప్రజల పక్షాన నిలబడి వాస్తవాలను నిర్భయంగా వెలుగులోకి తీసుకురావడమే పాత్రికేయ వృత్తి ప్రధాన లక్ష్యమని తెలిపారు. మంథని డివిజన్ మీడియా ప్రెస్ క్లబ్ అభివృద్ధికి ప్రధాన కార్యదర్శిగా సతీష్ కుమార్ అందిస్తున్న సహకారం ప్రశంసనీయమని అన్నారు. స్నేహానికి విలువనిస్తూ, అందరినీ కలుపుకుపోయే ఆయన వ్యక్తిత్వం తోటి పాత్రికేయులకు స్ఫూర్తిదాయకమని పేర్కొన్నారు.
ఆయురారోగ్యాలతో మరిన్ని విజయాలు సాధించాలి
మహావాది సతీష్ కుమార్ భవిష్యత్తులో మరిన్ని విజయాలు సాధించి పాత్రికేయ రంగంలో ఉన్నత స్థాయికి ఎదగాలని ప్రెస్ క్లబ్ సభ్యులు ఆకాంక్షించారు. ఆయన ఆయురారోగ్యాలతో, సుఖసంతోషాలతో జీవిస్తూ ప్రజలకు, సమాజానికి మరిన్ని సేవలందించాలని మనస్ఫూర్తిగా కోరుకున్నారు. ఈ కార్యక్రమంలో ప్రెస్ క్లబ్ సభ్యులు పాల్గొని సతీష్ కుమార్‌కు జన్మదిన శుభాకాంక్షలు తెలిపారు.
సభ్యుల మధ్య ఆత్మీయత, ఐక్యత, స్నేహబంధాన్ని చాటిచెప్పిన ఈ వేడుకలు ఆనందోత్సాహాల మధ్య ముగిశాయి. ఈ కార్యక్రమంలో సీనియర్ పాత్రికేయులు మెడగొని రాజమౌళి గౌడ్, మంథని డివిజన్ ప్రెస్ క్లబ్ మండల కన్వీనర్ ఏగోలపు సంతోష్ గౌడ్, పాత్రికేయులు సుబాన్, మంథని లక్ష్మణ్, మాదేశి శ్రావణ్ కుమార్, కావేటి సమ్మయ్య తదితరులు పాల్గొన్నారు.
