ఉపాధ్యాయులను సన్మానించిన ఎంఈఓ విజయ్ కుమార్

కుభీర్, సెప్టెంబర్ 07 (విజయక్రాంతి): కుభీర్ మండల(kubeer mandal) కేంద్రంలోని జిల్లా పరిషత్ ఉన్నత పాఠశాలలో టీచర్స్ డే వేడుకలను(Teachers' Day celebrations) ఘనంగా నిర్వహించారు. ఈ కార్యక్రమానికి ఎంఈఓ విజయ్ కుమార్ ముఖ్య అతిథిగా హాజరయ్యారు. పాఠశాల హెడ్‌మాస్టర్ గంగాధర్, PRTU కుభీర్ మండల అధ్యక్షుడు లింగాల అరవింద్ ఆధ్వర్యంలో ఉపాధ్యాయులను ఘనంగా సన్మానించి, జ్ఞాపికలు, ప్రశంసా పత్రాలను అందజేశారు. ఈ సందర్భంగా ఎంఈఓ విజయ్ కుమార్(MEO Vijay Kumar) మాట్లాడుతూ విద్యార్థుల భవిష్యత్తును తీర్చిదిద్దడంలో ఉపాధ్యాయుల పాత్ర ఎంతో కీలకమని అన్నారు. ఉపాధ్యాయుల సేవలను కొనియాడుతూ వారికి టీచర్స్ డే శుభాకాంక్షలు తెలిపారు. కార్యక్రమంలో ఉపాధ్యాయులు, విద్యా సిబ్బంది, పలువురు పాల్గొన్నారు.