ఓటు కోసం ఇండియా కూటమి పాదయాత్ర
భూపాలపల్లి, అక్టోబర్ 8 (విజయక్రాంతి): ఎన్నికల వ్యవస్థ పారదర్శకంగా పనిచేయాలని భూపాలపల్లి ఎమ్మెల్యే గండ్ర సత్యనారాయణ రావు అన్నారు.ప్రధాన ఎన్నికల కమిషనర్‌ జ్ఞానేష్‌ కుమార్‌ రాజీనామా చేయాలని, ఓటర్ల జాబితాలో ఫామ్‌-6, ఫామ్‌-7, ఫామ్‌-8 మార్పులను సవరించి అర్హులైన ప్రతి ఒక్కరికీ ఓటు హక్కు కల్పించాలని డిమాండ్‌ చేస్తూ గురువారం కాంగ్రెస్‌ జిల్లా అధ్యక్షుడు బట్టు కరుణాకర్‌ ఆధ్వర్యంలో ఇండియా కూటమి నాయకులు గురువారం భూపాలపల్లిలో పాదయాత్ర నిర్వహించారు. ప్రజాస్వామ్య పరిరక్షణకు పాదయాత్ర (Padyatra) చేపట్టారు.
హనుమాన్‌ టెంపుల్‌ నుండి అంబేద్కర్‌ చౌక్‌ వరకు కాంగ్రెస్‌, సీపీఐ, సీపీఎం, సీపీఐ(ఎంఎల్‌), టీజేఎస్‌ తదితర పార్టీల నాయకులు, కార్యకర్తలు పాదయాత్రగా తరలివచ్చారు. అంబేద్కర్‌ చౌక్‌ వద్ద నిరసన చేపట్టి జ్ఞానేష్‌ కుమార్‌ దిష్టిబొమ్మను దహనం చేశారు. ఈ సందర్భంగా నాయకులు నిరసన (Protest) వ్యక్తం చేశారు.ఎమ్మెల్యే గండ్ర సత్యనారాయణరావు మాట్లాడుతూ.. అర్హత కలిగిన ప్రతి పౌరుడికి ఓటు హక్కు ఉండేలా ఎన్నికల వ్యవస్థ పారదర్శకంగా పనిచేయాలని డిమాండ్‌ చేశారు. బట్టు కరుణాకర్‌ మాట్లాడుతూ.. ఓటు హక్కు రాజ్యాంగం కల్పించిన హక్కు అని, అర్హులైన ఒక్కరి ఓటు కూడా తొలగించకుండా చర్యలు తీసుకోవాలని కోరారు. ఎన్నికల ప్రక్రియలో పారదర్శకత (Transparency) ఉండాలని నాయకులు పేర్కొన్నారు.
ఈ కార్యక్రమంలో సీపీఐ, సీపీఎం, సీపీఐ(ఎంఎల్‌), కాంగ్రెస్‌ నాయకులు, కౌన్సిలర్లు, యువజన, కార్మిక సంఘాల ప్రతినిధులు, కార్యకర్తలు పాల్గొన్నారు. ఎన్నికల వ్యవస్థపై ప్రజలకు అవగాహన (Awareness) కల్పించాల్సిన అవసరం ఉందని నాయకులు అన్నారు.
