ఆర్మీ కుటుంబాలకు తీరని శోకం

22-11-2026 | 11:54am

కారు ప్రమాదంపై ప్రధాని మోదీ దిగ్భ్రాంతి.. మృతుల కుటుంబాలకు రూ.2 లక్షలు!

గాంధీనగర్, నవంబర్ 22: గుజరాత్‌లోని కచ్ జిల్లాలో ఘోర Road Accident చోటుచేసుకుంది. రన్న్ ఆఫ్ కచ్ సందర్శన ముగించుకుని తిరిగి వస్తున్న ఆర్మీ సిబ్బంది కుటుంబాల సభ్యులు ప్రయాణిస్తున్న కారు.. ట్రైలర్ ట్రక్కును బలంగా ఢీకొట్టింది. ఈ ప్రమాదంలో ఇద్దరు మహిళలు, ఇద్దరు పురుషులు, ముగ్గురు చిన్నారులు సహా మొత్తం ఏడుగురు అక్కడికక్కడే ప్రాణాలు కోల్పోయారు. మృతుల్లో నాలుగు నెలల పసికందు కూడా ఉండటం తీవ్ర విషాదాన్ని నింపింది.

శనివారం రాత్రి భుజ్‌ నుంచి తిరుగు ప్రయాణంలో భుజ్‌-ఖావ్డా National Highwayపై ఈ ప్రమాదం జరిగింది. కారు ట్రైలర్ ట్రక్కును ఢీకొన్న వేగానికి వాహనం పూర్తిగా నుజ్జునుజ్జయింది. అందులో ప్రయాణిస్తున్నవారు వాహనం శిథిలాల్లో చిక్కుకుపోయారు. సమాచారం అందుకున్న Rescue Team ఘటనా స్థలానికి చేరుకుని సహాయక చర్యలు చేపట్టింది. కారులో చిక్కుకున్న మృతదేహాలను బయటకు తీసేందుకు సిబ్బంది తీవ్రంగా శ్రమించారు. ఈ Rescue Operationకు కొన్ని గంటల సమయం పట్టింది. మృతులను రింకీ నితిన్ గుసైన్ (35), ఆమె నాలుగు నెలల కుమార్తె వామిక, సౌరభ్ సింగ్ నేగి (30), ఆయన భార్య సవిత (30), వారి మూడు నెలల కుమార్తె శివిక, రాజేష్ రావత్ (35), ఆయన ఏడేళ్ల కుమార్తె రక్షితగా గుర్తించారు. వీరంతా ఉత్తరాఖండ్‌లోని గఢ్వాల్ ప్రాంతానికి చెందినవారు. భుజ్‌లో విధులు నిర్వహిస్తున్న Army Personnel కుటుంబ సభ్యులుగా అధికారులు గుర్తించారు.

మృతుల కుటుంబాలకు ప్రధాని మోదీ పరిహారం ప్రకటన

ఈ ఘోర ప్రమాదంపై ప్రధానమంత్రి నరేంద్ర మోదీ తీవ్ర దిగ్భ్రాంతి వ్యక్తం చేశారు. మృతుల కుటుంబాలకు సానుభూతి తెలియజేస్తూ, Prime Minister's National Relief Fund (PMNRF) నుంచి ఒక్కో మృతుడి కుటుంబానికి రూ.2 లక్షల Ex-Gratia ప్రకటించారు. ప్రమాదంలో గాయపడిన వారికి రూ.50 వేల ఆర్థిక సాయం అందించనున్నట్లు వెల్లడించారు. ప్రమాద సమాచారం అందుకున్న కచ్ వెస్ట్ జిల్లా ఎస్పీ వికాస్ సుండా ఘటనా స్థలంతో పాటు ఆసుపత్రిని సందర్శించి పరిస్థితిని సమీక్షించారు. ప్రమాదానికి సంబంధించిన వివరాలపై పోలీసులు Investigation కొనసాగిస్తున్నారు. విహారయాత్రకు వెళ్లి తిరిగి వస్తున్న కుటుంబాలు ఇలా ప్రమాదానికి గురికావడంతో స్థానికంగా విషాదం నెలకొంది.

మరిన్ని వార్తలు