ట్విట్టర్‌లో ఫుల్ యాక్టివ్‌గా పొన్నం

22-11-2026 | 04:24pm

హైదరాబాద్: రాజకీయాల్లోనే కాదు.. సోషల్ మీడియాలోనూ మంత్రి పొన్నం ప్రభాకర్ తనదైన ముద్ర వేస్తున్నారు. ట్విట్టర్ (X) వేదికగా ఫుల్ యాక్టివ్‌గా ఉంటూ రాజకీయ అస్త్రాలు (Political Weapons) సంధిస్తున్నారు. సమయం దొరికితే చాలు.. ట్వీట్‌తో ఎంట్రీ ఇస్తూ రాజకీయ వర్గాల్లో చర్చకు తెరలేపుతున్నారు.

ప్రభుత్వ కార్యక్రమాల నుంచి రాజకీయ పరిణామాల వరకు.. ప్రతిపక్షాల విమర్శల నుంచి ప్రజా సమస్యల వరకు ప్రతి అంశంపైనా తనదైన శైలిలో స్పందిస్తున్నారు. ఒక్కోసారి సూటి వ్యాఖ్యలు.. మరోసారి ఘాటైన కౌంటర్లు.. ఇంకోసారి పార్టీ శ్రేణుల్లో ఉత్సాహం నింపే పోస్టులతో సోషల్ మీడియా (Social Media)లో చురుగ్గా వ్యవహరిస్తున్నారు.

మంత్రి ట్వీట్లపై నెటిజన్లలోనూ ఆసక్తి కనిపిస్తోంది. రాజకీయ ప్రత్యర్థులకు కౌంటర్లు ఇవ్వడంతో పాటు కాంగ్రెస్ పార్టీ వాణిని వినిపించేందుకు డిజిటల్ వేదిక (Digital Platform)ను సమర్థంగా ఉపయోగించుకుంటున్నారు. ఆయన పోస్టులపై రాజకీయ వర్గాల్లోనూ చర్చ సాగుతోంది.

మంత్రి అంటే కేవలం సచివాలయానికే పరిమితం కాకుండా సోషల్ మీడియాలోనూ సత్తా చాటాలన్నట్లుగా పొన్నం దూసుకెళ్తున్నారు. సభలో మాట.. ట్విట్టర్‌లో పోస్ట్.. ఇలా రెండు వేదికలపై తనదైన శైలిలో ప్రజలకు చేరువవుతున్నారు. దీంతో పొన్నం ప్రభాకర్ సోషల్ మీడియా యాక్టివిటీ (Online Activity) ఇప్పుడు రాజకీయ వర్గాల్లో ఆసక్తికర చర్చకు దారితీస్తోంది.

మరిన్ని వార్తలు