భారత్లో పర్యటించిన టర్టిల్ వాక్స్ సీఈవో
ముంబై, సెప్టెంబర్ 23: వాహన రూపురేఖలు మరియు ఉపరితల సంరక్షణ రంగంలో ప్రపంచవ్యాప్తంగా పేరుగాంచిన అగ్రగామి సంస్థ టర్టిల్ వాక్స్, ఇంక్. తన 80వ వార్షికోత్సవాన్ని జరుపుకుంటోంది. ఈ చారిత్రక సందర్భాన్ని పురస్కరించుకుని, సంస్థ ముఖ్య కార్యనిర్వహణాధికారి లారీ కింగ్(Chief Executive Officer Larry King) భారత్లో పర్యటించారు. ఆసియా-పసిఫిక్ ప్రాంతంలో టర్టిల్ వాక్స్ అత్యంత ప్రాధాన్యత గల వృద్ధి కేంద్రాల్లో భారత్ ఒకటిగా ఉన్న కీలక పాత్రను ఆమె ఈ సందర్భంగా ప్రముఖంగా ప్రస్తావించారు.
రసాయన శాస్త్రవేత్త బెంజమిన్ హిర్ష్ చికాగోలో స్థాపించిన టర్టిల్ వాక్స్, 1944లో తన సొంత ఇంట్లో మొట్టమొదటి లిక్విడ్ కార్ పాలిష్ను రూపొందించడంతో మొదలైంది. తాబేలు గుల్లలోని దృఢమైన రక్షణ కవచం నుంచి స్ఫూర్తి పొంది, 1946లో సంస్థ తన పేరును టర్టిల్ వాక్స్గా మార్చుకుంది. గత 80 ఏళ్లలో, ఈ కుటుంబ-స్థాపిత బ్రాండ్ 120కి పైగా దేశాల్లో కార్యకలాపాలు నిర్వహించే అంతర్జాతీయ దిగ్గజంగా ఎదిగింది. సంప్రదాయ సహజ కర్నౌబా వాక్స్ల నుంచి అధునాతన సిలికాన్ డయాక్సైడ్ సెరామిక్స్, ప్యూర్ బీడ్ హైడ్రోఫోబిక్ సొల్యూషన్స్, గ్రాఫీన్ నానోటెక్నాలజీ దిశగా సంస్థ తన ఉత్పత్తులను మార్చుకుంది.
బెంగళూరుతో పాటు దేశవ్యాప్తంగా ఉన్న రిటైల్ కేంద్రాలకు అధికారికంగా పర్యటించిన సందర్భంగా, CEO లారీ కింగ్ భారత నాయకత్వం, రిటైల్ భాగస్వాములు, డీటైలింగ్ వ్యాపారవేత్తలతో సమావేశమై, ఈ ప్రాంతంలో టర్టిల్ వాక్స్ వ్యూహాత్మక పెట్టుబడులను మరింత బలోపేతం చేసేందుకు చర్చించారు. ప్రపంచవ్యాప్తంగా సంస్థ 80వ వార్షికోత్సవం, తన భారత పర్యటనపై స్పందిస్తూ టర్టిల్ వాక్స్, ఇంక్. ముఖ్య కార్యనిర్వహణాధికారి లారీ కింగ్ మాట్లాడుతూ, "80 ఏళ్లు పూర్తి చేసుకోవడం అనేది రసాయన శాస్త్రంలో మా నైపుణ్యానికి, వినియోగదారులు టర్టిల్ వాక్స్పై ఉంచిన నమ్మకానికి నిదర్శనం.
ఈ వారసత్వాన్ని జరుపుకుంటూనే, మా దృష్టి భవిష్యత్తుపై కేంద్రీకృతమై ఉంది, మా ప్రపంచ వృద్ధి వ్యూహంలో భారత్దే కీలక స్థానం. భారతీయ నగరాల్లో వేగంగా పెరుగుతున్న వాహన ప్రీమియంైజేషన్తో పాటు, తమ వాహనాలపై భారతీయ కుటుంబాలు చూపే అపారమైన అభిమానం ఈ మార్కెట్ను ప్రత్యేకంగా నిలుపుతోంది. స్థానికంగా తయారీ భాగస్వామ్యాలను విస్తరించడం, భారతీయ వాతావరణం, పరిస్థితులకు అనుగుణంగా ఉత్పత్తులను రూపొందించడం, నాణ్యమైన డీటైలింగ్ మౌలిక సదుపాయాల్లో నిరంతర పెట్టుబడులు పెట్టడం ద్వారా ఈ ఉత్సాహభరిత ఆటోమోటివ్ సమాజానికి మేము తోడ్పాటునందించాలని భావిస్తున్నామన్నారు.
