స్వాతంత్ర్య పోరుకు ఊపిరి.. వందేమాతరం ఘన చరిత్ర!

భారతదేశ చరిత్రలో వందేమాతరం గీతానికి విశిష్ట స్థానం ఉంది. ప్రముఖ రచయిత బంకించంద్ర ఛటర్జీ 1875లో ఈ గేయాన్ని రచించారు. దేశభక్తి భావాన్ని రగిలిస్తూ భారతీయుల్లో స్వాతంత్ర్య కాంక్షను పెంపొందించిన ఈ గీతం.. అనంతరం జాతీయోద్యమంలో కీలక పాత్ర పోషించింది.

1882లో బంకించంద్ర ఛటర్జీ రచించిన 'ఆనందమఠం' నవలలో వందేమాతరం గీతం ప్రచురితమైంది. బ్రిటిష్ పాలనకు వ్యతిరేకంగా పోరాడిన స్వాతంత్ర్య సమరయోధులకు ఈ గేయం గొప్ప ప్రేరణగా నిలిచింది. సభలు, సమావేశాలు, ఉద్యమాల్లో వందేమాతరం నినాదం మార్మోగింది.

భారత స్వాతంత్ర్య పోరాట చరిత్రలో చెరగని ముద్ర వేసిన ఈ గీతానికి స్వతంత్ర భారతదేశంలో జాతీయ గేయంగా గుర్తింపు లభించింది. నేటికీ కోట్లాది భారతీయుల్లో దేశభక్తి భావాన్ని నింపుతూ జాతీయ ఐక్యతకు ప్రతీకగా నిలుస్తోంది.