దూరవిద్య కోర్సుల అడ్మిషన్ల గడువు పొడిగింపు

బోధన్, అక్టోబర్ 24 (విజయక్రాంతి): డాక్టర్ బీఆర్ అంబేద్కర్ ఓపెన్ యూనివర్సిటీ(Dr BR Ambedkar Open University) ద్వారా నిర్వహిస్తున్న దూరవిద్య కోర్సుల్లో ప్రవేశాల గడువును నవంబర్ 7వ తేదీ వరకు పొడిగించినట్లు బోధన్ పట్టణంలోని ఇందూర్ బీఈడీ కళాశాల దూరవిద్యా కేంద్రం కో-ఆర్డినేటర్ డాక్టర్ అప్పలనాయుడు తెలిపారు. శనివారం ఆయన ఈ మేరకు ఒక ప్రకటన విడుదల చేశారు.

ఇంటర్ అర్హతతో డిప్లొమా కోర్సు

డిప్లొమా ఇన్ ఎర్లీ చైల్డ్‌హుడ్ కేర్ అండ్ ఎడ్యుకేషన్ కోర్సులో ప్రవేశం పొందేందుకు ఇంటర్మీడియట్ ఉత్తీర్ణత అర్హతగా నిర్ణయించినట్లు పేర్కొన్నారు. ఈ కోర్సులో చేరేందుకు రూ.5,000 ఫీజు చెల్లించాల్సి ఉంటుందని వివరించారు.

ఆసక్తి కలిగిన విద్యార్థులు గడువులోగా డాక్టర్ బీఆర్ అంబేద్కర్ ఓపెన్ యూనివర్సిటీ అధికారిక వెబ్‌సైట్‌ను సందర్శించి, అడ్మిషన్ రిజిస్ట్రేషన్ ద్వారా ఆన్‌లైన్‌లో దరఖాస్తు చేసుకోవాలని సూచించారు. దూరవిద్య ద్వారా విద్యను అభ్యసించాలనుకునే విద్యార్థులు ఈ అవకాశాన్ని సద్వినియోగం చేసుకోవాలని కోరారు.

మరిన్ని వివరాలకు సంప్రదించండి

ప్రవేశాలు, అర్హతలు, దరఖాస్తు ప్రక్రియకు సంబంధించిన పూర్తి వివరాల కోసం దూరవిద్యా కేంద్రం కో-ఆర్డినేటర్ డాక్టర్ అప్పలనాయుడును 9440140118 నంబర్‌లో సంప్రదించాలని తెలిపారు.