వర్షంతో మారిన వాతావరణం

ఢిల్లీకి వర్షం ఉపశమనం.. కానీ Pollution ముప్పు ఇంకా ఉందా?

న్యూఢిల్లీ: దేశ రాజధాని ఢిల్లీతో పాటు పరిసర ప్రాంతాల్లో వాతావరణం ఒక్కసారిగా మారిపోయింది. శనివారం అర్ధరాత్రి ఉరుములు, మెరుపులు, ఈదురుగాలులతో కూడిన వర్షం(Delhi Rains) కురిసింది. ఢిల్లీ, నోయిడా, ఘజియాబాద్, గురుగ్రామ్, ఫరీదాబాద్ ప్రాంతాల్లో వర్షపు జల్లులు నమోదయ్యాయి. కొన్ని ప్రాంతాల్లో వడగళ్ల వాన కూడా కురిసినట్లు సమాచారం. గత కొన్ని రోజులుగా కొనసాగిన వెచ్చని వాతావరణం నుంచి ఈ వర్షాలు ప్రజలకు కొంత ఉపశమనం కలిగించాయి. చల్లటి గాలులు వీయడంతో ఉష్ణోగ్రతలు తగ్గాయి.

ఢిల్లీలో Weather Update.. 18 డిగ్రీలకు ఉష్ణోగ్రత

ఆదివారం (అక్టోబర్ 25) తెల్లవారుజామున సఫ్దర్‌జంగ్ వాతావరణ కేంద్రంలో ఉష్ణోగ్రత 18 డిగ్రీల సెల్సియస్‌గా నమోదైంది. ఉదయం 5.30 గంటల సమయంలో Humidity 98 శాతంగా ఉండగా, పొగమంచు (Mist) పరిస్థితులు కనిపించాయి. భారత వాతావరణ శాఖ (IMD) అంచనాల ప్రకారం.. ఆదివారం గరిష్ఠ ఉష్ణోగ్రత 31 నుంచి 33 డిగ్రీల మధ్య, కనిష్ఠ ఉష్ణోగ్రత 16 నుంచి 18 డిగ్రీల మధ్య ఉండే అవకాశం ఉంది. పగటిపూట ఆకాశం ప్రధానంగా నిర్మలంగా ఉండొచ్చని, మధ్యాహ్నం Surface Winds వేగం పెరిగే అవకాశముందని అంచనా వేసింది.

Delhi AQI Today.. వర్షంతో Pollution తగ్గిందా?

ఢిల్లీలో వాయు నాణ్యత సూచీ (Air Quality Index - AQI) ఆదివారం తెల్లవారుజామున సుమారు 181గా నమోదైంది. ఇది Moderate Category పరిధిలోకి వస్తుంది. శనివారం నమోదైన 191తో పోలిస్తే కొంత మెరుగుదల కనిపించగా, శుక్రవారం AQI 230గా ఉంది. అయితే నగరంలోని అన్ని ప్రాంతాల్లో పరిస్థితి ఒకేలా లేదు. కొన్ని ప్రాంతాల్లో కాలుష్య స్థాయులు Poor Categoryలోనే కొనసాగాయి. జహంగీర్‌పురిలో AQI 276, పంజాబీ బాగ్‌లో 251, బవానాలో 246గా నమోదయ్యాయి. నరేలా 244, రోహిణి 239 స్థాయుల్లో ఉన్నాయి. వర్షం, గాలుల వేగం పెరగడం వల్ల కాలుష్య కారకాలు చెదరిపోయే అవకాశం ఉన్నప్పటికీ, గాలి నాణ్యతలో దీర్ఘకాలిక మెరుగుదల ఉంటుందని ఇప్పుడే చెప్పలేమని నిపుణుల అంచనాలు సూచిస్తున్నాయి.

రానున్న రోజుల్లో Delhi Pollution ఎలా ఉండనుంది?

Delhi Air Quality Early Warning System అంచనా ప్రకారం అక్టోబర్ 25 నుంచి 27 వరకు ఢిల్లీలో గాలి నాణ్యత Poor Categoryలోనే ఉండే అవకాశం ఉంది. ఆ తర్వాతి రోజుల్లో AQI Moderate, Poor స్థాయుల మధ్య మారుతూ ఉండొచ్చని సూచించింది. అంటే రాత్రి కురిసిన వర్షం తాత్కాలికంగా ఉపశమనం ఇచ్చినా, కాలుష్య సమస్య పూర్తిగా తగ్గిపోతుందని భావించలేం. గాలి వేగం, వాతావరణ పరిస్థితులను బట్టి AQIలో మార్పులు చోటుచేసుకోవచ్చు. ముఖ్యంగా కాలుష్య స్థాయులు ఎక్కువగా ఉన్న ప్రాంతాల ప్రజలు తాజా AQI Updatesను గమనిస్తూ తగిన జాగ్రత్తలు తీసుకోవాలని అధికారులు తెలిపారు.