పోలీసు అమరవీరుల త్యాగాలు మరువలేనివి

హుజురాబాద్, అక్టోబర్ 26 (విజయక్రాంతి): సమాజ శాంతిభద్రతల పరిరక్షణ కోసం తమ ప్రాణాలను సైతం త్యాగం చేసిన పోలీసు అమరవీరుల సేవలు, త్యాగాలు మరువలేనివని హుజురాబాద్ ఏసీపీ వాసంశెట్టి మాధవి అన్నారు. పోలీసు అమరవీరుల సంస్మరణ వారోత్సవాలను పురస్కరించుకుని సోమవారం హుజురాబాద్ పట్టణంలో పోలీసుల ఆధ్వర్యంలో సైకిల్ ర్యాలీ (Cycle Rally) నిర్వహించారు. ఈ ర్యాలీని మున్సిపల్ చైర్‌పర్సన్ రొంటాల సుహాసిని జెండా ఊపి ప్రారంభించారు.

ఈ సందర్భంగా ఏసీపీ మాధవి మాట్లాడుతూ.. ప్రజల రక్షణ, సమాజ శాంతిభద్రతల కోసం పోలీసులు నిరంతరం విధులు నిర్వహిస్తున్నారని తెలిపారు. విధి నిర్వహణలో ప్రాణాలను సైతం లెక్కచేయకుండా అమరులైన పోలీసుల సేవలు, త్యాగాలను ప్రతి ఒక్కరూ స్మరించుకోవాలని పిలుపునిచ్చారు. ప్రతి వ్యక్తి యూనిఫామ్ లేని పోలీసుగా (Police) భావించి సమాజంలో శాంతిభద్రతల పరిరక్షణకు పోలీసులకు సహకరించాలని కోరారు. పోలీసుల సేవలను గుర్తించి ప్రజలు భాగస్వాములు కావాలని సూచించారు.

ఈ కార్యక్రమంలో మాజీ ఎస్సీ కార్పొరేషన్ చైర్మన్ బండ శ్రీనివాస్, టౌన్ సీఐ టి. కరుణాకర్, రూరల్ సీఐ వీరబత్తిని శ్రీనివాస్, జమ్మికుంట సీఐలు రామకృష్ణ గౌడ్, పులి వెంకట్ గౌడ్, ఎస్సైలు కొత్తపల్లి రవి, కట్కూరి శేఖర్ రెడ్డి, ఆవుల తిరుపతి, క్రాంతి, స్వాతి, ఏఎస్సై కమల, కౌన్సిలర్లు భాస్కర్, సొల్లు సునీత, కోయల్‌కార్ భారతి, తులసి లక్ష్మణమూర్తి, పలువురు ప్రజాప్రతినిధులు, పోలీసు సిబ్బంది పాల్గొన్నారు. ఈ ర్యాలీ ద్వారా ప్రజల్లో అవగాహన (Awareness) కల్పించే ప్రయత్నం చేశారు. పోలీసు అమరవీరుల త్యాగాలను స్మరించుకునే కార్యక్రమాల్లో భాగంగా ఈ ర్యాలీ (Tribute) నిర్వహించారు.