బైక్‌పై గుండెపోటు...రోడ్డుపై పడిపోయి
కామారెడ్డి, అక్టోబర్, విజయక్రాంతి: కామారెడ్డి జిల్లా తాడ్వాయి మండలం కృష్ణాజివాడి గ్రామ సమీపంలో గురువారం (అక్టోబర్ 22) ఓ యువకుడు బైక్‌పై వెళ్తుండగా అకస్మాత్తుగా తీవ్ర గుండె నొప్పికి (Chest Pain) గురై రోడ్డుపై పడిపోయాడు. ఎల్లారెడ్డి–కామారెడ్డి ప్రధాన రహదారిపై ఈ ఘటన చోటుచేసుకుంది.
వివరాల్లోకి వెళ్తే.. ఎల్లారెడ్డి మండలం సోమర్యాగడి తండాకు చెందిన నాగేష్ (32) ఇంటి నుంచి బైక్‌పై కామారెడ్డి పట్టణానికి బయలుదేరాడు. కృష్ణాజివాడి గ్రామం దాటిన తర్వాత ఒక్కసారిగా తీవ్ర గుండె నొప్పి రావడంతో బాధతో అరుస్తూ రోడ్డు పక్కన పడిపోయాడు.
యువకుడి తలకు హెల్మెట్ (Helmet) ఉండటంతో ప్రమాదంలో తలకు గాయాలు కాలేదు. అటుగా వెళ్తున్న స్థానిక రైతులు అతడిని గమనించి వెంటనే చెట్టు నీడలోకి తీసుకెళ్లి పడుకోబెట్టారు. అనంతరం బైక్‌పై కామారెడ్డి ప్రభుత్వ ఆసుపత్రికి (Government Hospital) తరలించారు.
ప్రస్తుతం నాగేష్ ఆసుపత్రిలో చికిత్స పొందుతున్నాడు. అయితే, అతడికి గుండెపోటు వచ్చిందా లేదా అన్నది వైద్యుల నిర్ధారణపై ఆధారపడి ఉంటుంది.
