బ్యాంకింగ్ రంగంలో కొత్త అధ్యాయం

న్యూఢిల్లీ: భారత బ్యాంకింగ్ రంగంలో కీలక పరిణామం చోటుచేసుకుంది. IDBI Bank Strategic Restructuringకు కేంద్ర మంత్రివర్గం ఆమోదం తెలిపింది. కెనడాకు చెందిన Fairfax Financial Holdings గ్రూప్‌ అనుబంధ సంస్థకు బ్యాంకులో మెజారిటీ వాటా విక్రయించే ప్రతిపాదనకు గ్రీన్ సిగ్నల్ ఇచ్చింది. ఈ ఒప్పందం విలువ సుమారు రూ.52,878 కోట్లు. కేంద్ర ప్రభుత్వం, Life Insurance Corporation (LIC) కలిసి తమ వాటాల్లో కొంత భాగాన్ని విక్రయించనున్నాయి. ప్రభుత్వానికి చెందిన 30.48 శాతం, LICకి చెందిన 30.24 శాతం వాటాలను కలిపి మొత్తం 60.72 శాతం వాటా బదిలీ కానుంది. ఈ లావాదేవీ పూర్తయితే భారత ఆర్థిక రంగంలోనే అతిపెద్ద Foreign Direct Investment (FDI) ఒప్పందంగా నిలవనుందని ప్రభుత్వం పేర్కొంది.

కేంద్రం, LIC వాటాలు ఎంతకు తగ్గుతాయి?

ప్రస్తుతం IDBI Bankలో కేంద్ర ప్రభుత్వానికి 45.48 శాతం, LICకి 49.24 శాతం వాటా ఉంది. ప్రతిపాదిత లావాదేవీ పూర్తయిన తర్వాత ప్రభుత్వ వాటా 15 శాతానికి, LIC వాటా 19 శాతానికి తగ్గనుంది. అంటే ఈ రెండు సంస్థల మొత్తం వాటా 34 శాతంగా మిగులుతుంది. ఈ ఒప్పందాన్ని కేంద్రం సాధారణ Strategic Disinvestmentగా కాకుండా Strategic Restructuringగా అభివర్ణించింది. అయితే క్యాబినెట్ ఆమోదం వచ్చినంత మాత్రాన లావాదేవీ ప్రక్రియ పూర్తయినట్లు కాదు. సంబంధిత ఒప్పందాలు, నియంత్రణ సంస్థల అనుమతులు, ఇతర నిబంధనలు పూర్తికావాల్సి ఉంటుంది. ఈ మార్పు IDBI Bank యాజమాన్య నిర్మాణంలో కీలక మలుపుగా భావిస్తున్నారు.