108 సిబ్బందికి ఉచితంగా హెల్మెట్ల పంపిణీ

సరికొప్పుల నాగేశ్వర రావు

నేరేడుచర్ల,(విజయక్రాంతి): జనసేన పార్టీ అధినేత, ఆంధ్రప్రదేశ్ ఉప ముఖ్యమంత్రి కొణిదెల పవన్ కళ్యాణ్ జన్మదినోత్సవాన్ని పురస్కరించుకొని, సేవా కార్యక్రమంలో భాగంగా 108 అంబులెన్స్ సిబ్బందికి ఉచితంగా హెల్మెట్లను అందచేసినట్లు సరికొప్పుల నాగేశ్వర రావు-విజయలక్ష్మి దంపతులు తెలిపారు.ఈ సందర్బంగా వారు మాట్లాడుతూ,ప్రజల ప్రాణాలను కాపాడేందుకు రాత్రింబవళ్లు సేవలందిస్తున్న 108 అత్యవసర అంబులెన్స్ సిబ్బంది సేవలు ఎంతో గొప్పవని, “సేవే లక్ష్యం” అనే స్ఫూర్తితో ప్రజలకు నిరంతరం సేవలందిస్తున్న 108 సిబ్బందికి వారి భద్రతను దృష్టిలో ఉంచుకుని చిన్న కానుకగా ఈ హెల్మెట్లను అందిస్తున్నామని పేర్కొన్నారు. పవన్ కళ్యాణ్ సేవా స్ఫూర్తిని ఆదర్శంగా తీసుకొని ఇలాంటి సామాజిక సేవా కార్యక్రమాలను మరింత విస్తృతంగా నిర్వహిస్తామని తెలిపారు.ఈ కార్యక్రమంలో జనసేన పార్టీ నాయకులు కొమ్మరాజు శ్రీను, అంజి, అర్జున్, లక్ష్మణ్, వెంకన్న, పాషా కార్యకర్తలు, మరియు 108 సిబ్బంది పాల్గొన్నారు.