విద్యావేత్తలకు ‘శిక్షా భూషణ్‌’ పురస్కారాలు
నాగోల్‌లో అఖిల భారతీయ సన్మాన కార్యక్రమం
ముఖ్య అతిథిగా హాజరైన త్రిదండి చిన్న శ్రీమన్నారాయణ రామానుజ జీయర్‌ స్వామి
ఎల్బీనగర్, అక్టోబర్‌ 3 (విజయ క్రాంతి) : విద్యారంగంలో(Education Sector) విశిష్ట సేవలు అందించిన ముగ్గురు ప్రముఖ విద్యావేత్తలకు ‘అఖిల భారతీయ శిక్షా భూషణ్‌(All India Shiksha Bhushan)’ పురస్కారాలను ప్రదానం చేశారు. అఖిల భారతీయ రాష్ట్రీయ శైక్షిక్‌ మహాసంఘ్‌(All India National Teachers' Association) ఆధ్వర్యంలో శనివారం నాగోల్‌లోని శుభం సమావేశ మందిరంలో ప్రత్యేక సమావేశం నిర్వహించారు. ఈ సందర్భంగా విద్యావేత్తలను ఘనంగా సత్కరించారు. విశ్వవిద్యాలయ మంజూరు సంఘం మాజీ అధ్యక్షుడు ఆచార్య మామిడాల జగదీష్‌ కుమార్‌(Mamidala Jagadesh Kumar), బెంగళూరు భారతీయ నిర్వహణ సంస్థ మాజీ ఆచార్యుడు ఆచార్య బి. మహదేవన్‌, విజ్ఞాన విహార విద్యా సంస్థల మాజీ ప్రధానాచార్యుడు డి.రామకృష్ణారావులకు ‘శిక్షా భూషణ్‌’ పురస్కారాలు అందజేశారు.
ఉన్నత విద్యా సంస్కరణలు, జాతీయ విద్యా విధానం–2020 అమలు, భారతీయ జ్ఞాన వ్యవస్థ, ఉపాధ్యాయ శిక్షణ రంగాల్లో వారు చేసిన సేవలను నిర్వాహకులు కొనియాడారు. ఈ కార్యక్రమానికి రాష్ట్రీయ స్వయంసేవక్‌ సంఘ్‌ సహ సర్కార్యవాహ్‌ సి.ఆర్‌. ముకుంద్‌జీ ముఖ్య అతిథిగా హాజరయ్యారు. అఖిల భారతీయ రాష్ట్రీయ శైక్షిక్‌ మహాసంఘ్‌ జాతీయ అధ్యక్షుడు ఆచార్య నారాయణ్‌ లాల్‌ గుప్తా అధ్యక్షత వహించారు.
త్రిదండి చిన్న శ్రీమన్నారాయణ రామానుజ జీయర్‌ స్వామి మంగళాశాసనం అందించారు. అఖిల భారతీయ రాష్ట్రీయ శైక్షిక్‌ మహాసంఘ్‌ జాతీయ కార్యదర్శి ఆచార్య గీతా భట్‌, నిర్వహణ కార్యదర్శి మహేంద్ర కపూర్‌, తెలంగాణ ప్రతినిధులు కిషన్‌జీ, ఏలూరి యాదయ్య, డా. కె. భాస్కర్‌, జగన్‌, దయానంద్‌ ఆర్య తదితరులు పాల్గొన్నారు. దేశంలోని వివిధ రాష్ట్రాల నుంచి వచ్చిన విద్యారంగ ప్రతినిధులతో కార్యక్రమం ఘనంగా జరిగింది.
